Jon Hunstman heq dore nga gara republikane

Ish-ambasadori amerikan ne Kine Jon Hunstman tha se heq dore nga gara per te fituar emerimin e Partise Republikane si kandidat per president. Ai e beri njoftimin ne nje konference shtypi ne Karolinen e Jugut.

Zoti Jon Huntsman tha se terhiqej nga gara per te mos u bere pengese per kandidatin tjeter republikan Mitt Romney i cili kryeson garen.

Zoti Huntsman u beri thirrje kandidateve te tjere republikane te mos sulmojne njeri-tjetrin por ti ruajne energjite e tyre ne rrugen per te sfiduar presidentin demokrat Barak Obama. Percarja tha ai nuk i sherben interesave te vendit.

Njoftimi i zotit Huntsman nenkupton se ish guvernatori i shtetit Massachusetts Mitt Romney eshte nje hap me afer emerimit si kandidati republikan per president.

Zoti Huntsman ashtu si zoti Romney i perket gjithashtu besimit mormon dhe eshte konservator i moderuar.

Njoftimi i tij vjen pasi gazeta me e madhe e shtetit te Karolines se Jugut shprehu mbeshtetje per kandidaturen e zotit Huntsman.

Huntsman kishte vendosur te mos konkurronte ne shtetin e pare ku u bene votimet - Iowa dhe ti perqendronte forcat ne garen e dyte ne shtetin New Hampshire. Megjithate ai u rendit i treti ne New Hampshire pas Romney-it dhe kongresmenit nga Texasi Ron Paul.

Ne garen republikane mbeten tani pese kandidate Romney Paul Santorum Gingrich dhe Perry. Zoti Romney shkon ne garen e 21 janarit ne Karolinen e Jugut me fitoret e arritura ne dy shtete. Kandidatet do te zhvillojne sonte nje debat ne televizion.