KE: Shqiperia, hapa pozitive ne luften kunder korrupsionit Rozeta Rapushi
Ambasadori i Komisionit Evropian ne Tirane, Etore Sequi, deklaroi se “Shqiperia ka bere hapa pozitive ne luften kunder korrupsionit”. Njeheresh, ne emer te Komisionit Evropian ai beri thirrje qe Shqiperia te realizoje reformat ne kuader te luftes kunder korrupsionit si dhe te realizoje transparencen e financimit te partive politike ne fushata elektorale, vecanerisht ne prag te zgjedhjeve. Ambasadori i Komisionit Evropian ne Tirane, Etore Sequi, i pranishem dje ne takimin e katert te projektit kunder korrupsionit ne Shqiperi, nisur qe ne 2009 me ndihmen e BE-se, tha se reformat duhet te vijojne. “Ecuria e Shqiperise drejt Bashkimit Evropian, varet nga plotesimi i kritereve dhe se lufta kunder korrupsionit eshte nje nga marreveshjet kyce te Stabilizim-Asociimit. Reformat jane ende te paplotesuara dhe se ne qender te vemendjes se Brukselit per te hartuar opinionin e BE-se per raportin e fundvitit do te jete ceshtja e korrupsionit dhe rregullat transparente per financimin e partive. Duhen rritur perpjekjet per te rritur bashkepunimin mes institucioneve”, u shpreh dje Sequi. Sipas tij, duhen dyfishuar perpjekjet per te luftuar demet financiare qe i vijne shtetit nga korrupsioni. “Nje fushate ndergjegjesimi publik duhet nisur ne media per t’i bere te qarte publikut se korrupsioni nuk eshte thjesht nje fenomen i demshem, por nje veper penale”, theksoi Sequi. Nga ana tjeter, vetem dy muaj nga zgjedhjet lokale, ai shtoi se duhet te aplikohen rregulla te qarta dhe transparente per financimin e partive politike si edhe duhet te behet kontrolli i jashtem financiar i partive politike ne Shqiperi. “Duhen rregulla te qarta dhe transparente per financimin e partive dhe kontrollin e jashtem te ketij financimi. Opinioni i fundit per statusin e vendit kandidat, nenvizoi se reformat mbeten ende pa perfunduar. Duhet angazhim i madh politik, per te luftuar korrupsionin”, theksoi Sequi. I pranishem ne kete takim, Ministri i Inovacionit, Genc Pollo, u shpreh se qeveria ka arritur hapa te suksesshem ne luften antikorrupsion permes permiresimit te kuadrit ligjor ne perputhje me standardet nderkombetare, reformave te vazhdueshme modernizuese, por dhe ngritjes dhe forcimit te strukturave te reja me qellim goditjen pa dallim te individeve ose zyrtareve te perfshire ne korrupsion. Per sa i perket financimit te partive politike, Pollo tha se do t’i jepet asistenca e kerkuar Komisionit Qendror te Zgjedhjeve, qe te permbushe me sukses detyren e tij. “Duke pasur parasysh momentin aktual, afrimin e zgjedhjeve lokale, institucioneve te rendesishme qe do angazhohen me menaxhimin e tyre, si KQZ, dhe qe duan asistuar ne plotesimin e detyrave te tyre do ti kerkoja qe te trajtojne me konsideraten e duhur kerkesen e ketij institucioni per asistence nga ky projekt”,-tha Pollo.