KINEMA – Rusell Crowe: Era e djathtë që po fryn në Evropë më shqetëson
ROMË, 21 qershor /ATSH/ – Era politike e krahut të djathtë që po fryn aktualisht në Evropë më bën të ndihem në siklet, deklaroi aktori i njohur i Hollivudit, Rusell Crowe, në një intervistë dhënë gazetarit Carlo Moretti, shkruan gazeta italiane ”La Repubblica”.
”Politikat e krahut të djathtë nuk kanë çuar kurrë në rezultate të dobishme për shoqërinë. Për të qenë i sinqertë, jo vetëm për Evropën, por edhe në pjesë të ndryshme të botës”, shton Crowe, i njohur botërisht për rolin e gladiatorit në filmin me të njëjtin titull.
Russell Crowe, një aktor fitues i Oscar-it në 2001 për portretizimin e gjeneralit Maximus Decimus Meridius në filmin e Ridley Scott, bëri sot një vizitë të shkurtër në rajonin e Aostas, i mirëpritur nga autoritetet që i dhanë edhe trofeun tradicional të miqësisë.
Në fakt, sapo përfundoi karrierën e tij filmike, aktori neozelandez filloi të bënte turne nëpër botë me grupin e tij muzikor, të quajtur “The Gentlemen Barbers”.
Crowe, do të performojë një koncert me muzikë blues në tarracën e Matterhorn më 21 qershor.
Një ndryshim karriere
Crowe, i cili dikur luante rolin e një gladiatori, ka ndryshuar kurs dhe tani po i përkushtohet muzikës. Dashuria e tij për muzikën nuk është asgjë e re.
Në fakt, aktori gjithmonë ka pohuar se muzika e lejon të shprehë më të mirën nga vetja.
Koncerti në Matterhorn
Koncerti do të mbahet në 3 880 metra mbi nivelin e detit, në tarracën Matterhorn.
Crowe dhe grupi i tij, “The Gentlemen Barbers”, premtojnë një eksperiencë unike./ /os/