KQZ shqyrton ankimimet, PBDNJ kërkon pavlershmërinë e dy kutive në Ksamil

Për herë të parë në historinë e zgjedhjeve në Shqipëri ankimimet e subjekteve politike kanë qenë të pakta. Rezultatet e zgjedhjeve parlamentare të 23 qershorit edhe pse jane pranuar prej partive kryesore përsëri ka pasur ankimime.

Në mbledhjen e radhës Komisioni Qendror  i Zgjedhjeve ka shqyrtuar tre ankimime  midis të cilave edhe ankesën e PBDNJ-së për pavlefshmërine dy kutive në Ksamil.

Kryetarja e KQZ Lefterie Lleshi kërkoi që KZAZ 89 të përfshij në rezultatin përfundimtar edhe dy kutitë e shpallura të pavlefshme dhe të nisë menjëherë numërimin.

Ankimi i parë ka të bëjë me KZAZ nr.42, ku janë bërë gabime në sistem, në hedhjen e të dhënave. Ndërsa ankimi i dytë ka ardhur nga KZAZ nr.38, pasi komisioni shprehet se është kryer transmetimi në qendrën e bazës së të dhënave me invers, në të kundërt. Por,nga verifikimi i bërë nga administrate, ky pretendim nuk ishte i saktë.