KQZ pranon kerkesen per referendum Qamil Xhani
Referendumi per ceshtjen e mbetjeve urbane mund te zhvillohet ne fund te vitit 2013 ose ne fillim te vitit 2014. Komisioni Qendror i Zgjedhjeve ka njohur dje vlefshmerine e 50 mije firmave te mbledhura nga shoqeria civile per mbajtjen e referendumit ne lidhje me ligjin per trajtimin e mbetjeve urbane ne vend. Me 6 vota pro dhe nje kunder KQZ miratoi vendimin per pranimin e kerkeses. Nderkohe qe me 4 vota pro dhe 3 kunder KQZ miratoi dhe piken e vendimit qe sakteson se kerkesa per referendum do t'i shkoje Gjykates Kushtetuese per te vleresuar kushtetutshmerine e tij ne daten 3 janar te vitit 2013. Shtyrja e ketij vendimit per KQZ-ne lidhet me faktin se Komisioni Qendror i Zgjedhjeve duhet t'i ishte drejtuar Gjykates Kushtetuese per ligjshmerine e referendumit me 15 mars, kohe ne te cilen u be dhe dorezimi i kerkeses nga shoqeria civile. Kalimi i ketij afati, bene qe kerkesa e KQZ-se te dergohet vitin e ardhshem. Nderkohe qe ky afat shtyn dhe afatin e mbajtjes se referendumit, pasi 2013 eshte nje vit zgjedhor dhe nisur nga kjo nuk mund te zhvillohet referendum. Mbajtja e referendumit mund te behet vetem tre muaj pas zgjedhjeve te pergjithshme parlamentare. Ne kete menyre mundesite per mbajtjen e referendumit ne rast te aprovimit te kerkeses nga Gjykata Kushtetuese mund te behet vetem ne muajin dhjetor 2013, ose ne fillim te vitit 2014. Keto pika ishin dhe me te debatueshmet mes anetareve te mazhorances dhe opozites ne Komisionin Qendror te Zgjedhjeve. "Ajo qe ligjvenesi konform kerkeses se neni 152 pika 3 e Kushtetutes, per te mos bere rremuje vendin, kerkon qe kerkesat per referendum te miratohen deri ne daten 15 mars dhe nese ka nje apo disa kerkesa caktohen nga Presidenti", - u shpreh dje perfaqesuesi i PD-se ne KQZ, Njazi Kosovrasti. Perfaqesuesi i PD ka argumentuar dhe bazen ligjore ku bazohet procedura, duke theksuar se nuk behet fjale per shtyrje afatesh, por respektim te ligjit. Neni 119 pika 6 e Kodit Zgjedhor, ne pjesen per referendumet sakteson se, nese kerkesat per referendum nuk jane shqyrtuar brenda dates 15 mars te cdo viti, shtyhen per ne vitin pasardhes, "Ne perputhje me piken 3 te nenit 152 te Kushtetutes, kerkesat per referendum, qe nuk kane kaluar neper te gjitha procedurat e ketij kreu, brenda dates 15 mars te cdo viti, pavaresisht se kur jane paraqitur, shtyhen deri ne vitin pasardhes", - thuhet ne Kodin Zgjedhor. Nderkohe qe, sipas Kushtetutes, data e referendumit caktohet nga Presidenti i Republikes brenda 45 diteve pas shpalljes se vendimit pozitiv te Gjykates Kushtetuese ose pas kalimit te afatit brenda, te cilit Gjykata Kushtetuese duhet te shprehej. Keto nene te ligjit zgjedhor, u japin keshtu pergjigje ankesave dhe pakenaqesive te shprehura nga perfaqesuesit e Aleances Kunder Importit te Plehrave, sipas te cileve, Komisioni Qendror i Zgjedhjeve po e mban ne sirtar referendumin deri ne vitin 2013.
Kodi Zgjedhor
Neni 129.1
1. Pas verifikimit te rregullsise se kerkesave, KQZ-ja ia percjell kerkesat per referendum te pergjithshem Presidentit te Republikes dhe Gjykates Kushtetuese, me perjashtim te rasteve te parashikuara ne nenin 119 te ketij Kodi. KQZ-ja njofton njekohesisht Kryetarin e Kuvendit dhe Kryeministrin per kerkesat e pranuara.
Kodi Zgjedhor
Neni 119.6
Ne perputhje me piken 3 te nenit 152 te Kushtetutes, kerkesat per referendum, qe nuk kane kaluar neper te gjitha procedurat e ketij kreu, brenda dates 15 mars te cdo viti, pavaresisht se kur jane paraqitur, shtyhen deri ne vitin pasardhes.