KQZ vijon numerimi i njesise nr. 9

Në Komisionin Qendror të Zgjedhjeve vijon numërimi i fletëve të hedhura në kutitë e gabuara të njësisë bashkiake numër 9 të Tiranës.

Nga numërimi i deritanishëm kandidatit demokrat Lulzim Basha i janë atribuar 24 vota, ndërsa atij socialist, Edi Rama, 22.

Basha vijon të ruajë avantazhin me 74 vota plus ndaj rivalit Rama, i cili pretendon për parregullësi gjatë këtij procesi.

Pikërisht për integritetin e procesit, KQZ u vizitua sot nga ambasadori i OSBE-së, Eugen Wolfarth, i cili zhvilloi një takim kokë më kokë me kryetarin Arben Ristani.