Kajro, Bler optimist për arritjen e pushimzjarrit në Gaza

Forcat izraelite kanë lëvizur ngadalë dje
në zonat më të populluara të Gazës,
ndërsa vazhdojnë të bombardojnë nga ajri
luftëtarët e Hamasit. Të gjitha bateritë e
luftimeve janë përqendruar te militantët
e Hamasit dhe se numri i civilëve të vrarë
i ka kaluar të 900. Ndërkohë, vazhdojnë
përpjekjet diplomatike. Më kryesori prej
tyre gjatë ditës së djeshme ishte takimi mes
të dërguarit për Lindjen e Mesme, Bler dhe
Presidentit egjiptian, Mubarak. Pas takimit,
Toni Bler deklaroi se një pushimzjarri mes
Hamasit dhe izraelitëve ishte i mundur
dhe se bisedimet për të ishin në një fazë të
avancuar. Ai tha gjithashtu se ishin të gjitha
elementet për arritjen e një marrëveshjeje
dhe se të gjitha palët po punonin shumë
dhe intensivisht.