Kandidati Bejko takim me Këshillit Atlantik të PD
Kandidati i Partisë Demokratike për Bashkinë e Tiranës, Roland Bejko i shoqëruar nga kryetari i komanduar i PD-së Enkelejd Alibeaj,
prezantoi para anëtarëve të Këshillit Atlantik të formuar pak ditë më parë, programin e tij për kryeqytetin në garën elektorale të 14 Majit.
Zoti Bejko tha se vizioni i tij në drejtimin të bashkisë ka në thelb qytetarin. Ai tha se modeli i ri i qeverisjes që synon të sjellë nën drejtimin e pushtetit vendor, është larg decentralizimit dhe papërgjegjshmërive për të cilat akuzoi kundërshtarit socialist dhe kryeministrin Rama.
Në fjalën e tij zoti Bejko u ndal në çdo fushë të programit sipas tij për një kryeqytet pro arsimit, artit, bujqësisë dhe çlirimit të ekonomisë nga barra e taksave të larta.
“Ne jemi nje parti që vetëm duke ruajtur vlerat euroatlantike do të ringrihemi më të fortë se më parë” shprehu bindjen e tij zoti Bejko.
Duke kërkuar votat për Roland Bejkon, kryetari i komanduar i partisë demokratike Enkelejd Alibeaj nuk la pa sulmuar si kryeministrin Edi Rama dhe koalicionin “Bashkë fitojmë”. “Do sjellim modelin e qeverisjes së mirë. Pushteti sot është i korruptuar“- tha zoti Alibeaj.
/ rtsh.al /