Kë do mbështesin analistët? Çani, Berishën; Shkullakun nuk e bind Rama; Artan Hoxha e Artur Zheji përpëliten pa u prononcuar; Baze, Bushati e Hila kundër Berishës
Gazeta MAPO u ka kërkuar të marrin përsipër kë do të mbështesin (endorsement) 9 analistëve, Bushatit, Nazarkos, Shkullakut, Zhejit, Bazes, Hoxhës, Çanit, Dritan Hilës (dhe shton aty dhe Lubonjën, që bëri thirrje për ti vënë një kryq të madh politikës shqiptare)
Arian Çani thotë se Rama është kopje e keqe e Berishës; të mbajmë origjinalin Më tej, moderatori i Zonë e Lirë në TV Klan, thotë se nuk di kush do ti fitojë zgjedhjet në 23 qershor, por di se kush nuk duhet ti fitojë. Personalisht do ta konsideroja një kthim mbrapa dhe një aventurë të rrezikshme rikthimin në pushtet të Edi Ramës dhe shpurës së tij servile.
Armand Shkullaku, Drejtor në ABC News, thotë se koalicionit të majtë i mungojnë dy gjëra: së pari ajo që është thënë prej shumë kohësh, i mungon fryma. Pra një lloj entuziazmi, programi, vizioni, ideje, kauze të madhe, me të cilën opozitat vijnë në pushtet dhe bëjnë ndryshime…
Mentor Nazarko, thotë se zgjedhjet i fiton opozita e bashkuar, sepse do ti humbë qeveria
Dritan Hila, kundër Berishës. Tashmë në këtë vend, e vetmja shpresë për të sjellë ndryshimin, është pikërisht dufi i këtyre njerëzve. Është dialektika e jetës që do ta shpëtojë Shqipërinë nga laku i Berishës thotë ai.
Fatos Lubonja, përsërit qëndrimin në një shkrim të Panoramës, kryqin fletës! Sa më shumë vota me kryqe, aq më shumë do të vihet në dukje se ka ardhur koha kur, siç thonë këta të rinjtë në këngën që po ju dërgoj me shpresë se do ta fusni në faqet në internet të Mapos ti themi kësaj kaste Mjaft më me ju se është koha kur nuk durohet dot më.
Artan Hoxha, shprehet se Me shumë gjasë, rezultati rrotë më rrotë, pa pranuar të bëjë endorsement, që gjithsesi lihet i nënkuptuar. PD dhe PS smund të kenë të vetme 71 deputetë. Në fakt kjo sështë e re sepse këtë përfitim demokratik e patëm që nga zgjedhjet 2009, e në fakt edhe në ato 2005, por është e shëndetshme që kjo do të vazhdojë, siç do të vazhdojë, edhe pas zgjedhjeve 2013.
Mero Baze Më 23 qershor duhet të ikë Berisha
Fjalori rreth 23 Qershorit është reduktuar shumë dhe fjalia e duhur që ka mbetur për të thënë është që më 23 Qershor duhet të ikë Berisha. Kështu si ka shkuar puna, kjo është e vetmja fitore që ka kuptim për shoqërinë dhe i vetmi zhvillim cilësor. T렠tjerat janë zhvillime cilësore. Me këtë ndryshim, nuk besoj se ka të humbur, por një ridimensionim të vlerave politike në vend, pa liderin që zgjati bashkë me pushtetin e tij dhe tranzicionin në Shqipëri. Ky ndryshim duket se është bërë i sigurt numerikisht dhe politikisht. E parë si ikje e Berishës ka jo 100 por 1001 arsye. E parë si shpresë ka 1001 pikëpyetje. E parë si rrotacion ka 1001 siguri. Shqiptarët mund të zgjedhin çtë duan. Ajo që them me siguri është se nga ky ndryshim nuk ka për të humbur askush nga Partia Demokratike, pasi nuk kanë pasur gjë në dorë të ndjeheshin në pushtet dhe as nuk kanë pse ndjehen fitimtare vlerat opozitare, pasi nuk ja kanë dalë të jenë fituese të vërteta të zgjedhjeve.
Artur Zheji, nuk prononcohet, por nënkuptohet që i pëlqen një forcë e tretë. I gjithë ky duel nuk mund të kuptohet si një duet pasiqë një forcë e tretë e madhe dhe e fuqishme dhe përcaktuese njëkohësisht, për fituesin e 2013 ka frymën e vet dhe një doktrinë të pamvarur. Dhe nuk janë të papërfillshme forca të tjera të treta…
Andi Bushati, kundër Berishës. Por nuk është vetëm çështja e performancës; vota kundër Sali Berishës është edhe votë historike, sepse është një brez i tërë 40-45-vjeçarësh të cilit edhe unë i përkas, që, po të bëjnë sot një llogari, kanë jetuar më shumë vite politike nën Sali Berishën se sa nën Enver Hoxhën. Pra, këtë radhë, vota e 2013 është edhe një përpjekje që të mos krijojmë me votë udhëheqës të përjetshëm.