Kerkohet dialog i brendshem i qeverise se Kosoves me serbet e veriut
Qeveria e Kosoves dhe Zyra Civile Nderkombetare vazhdojne te kembengulin se plani i Marti Ahtisarit eshte zgjidhja me e mire per integrimin e pjeses veriore te Kosoves. Por analistet politike jane skeptike nese ky plan mund te zbatohet ne praktike duke marre parasysh situaten e muajve te fundit ne veri te Kosoves ku serbet e kesaj pjese kane shkeputur cdo lidhje me institucionet e Kosoves dhe ato te pranise nderkombetare.
Ne kete kuader analistet mendojne se Prishtina zyrtare jo shume larg do te jete e detyruar te mendoje pertej planit te Marti Ahtisarit per te dale nga gjendja ne te cilen ndodhet veriu i vendit. Zyra Civile Nderkombetare e cila mbikqyr zbatimin e planit te Marti Ahtisarit prej tre vjetesh ka formuar ekipin pergatitor per krijimin e komunes se veriut te Mitrovices por jetesimi i ketij projekti nuk duket i afert.
Shefja e ekipit pergatitor komunal per veriun e Mitrovices Adrijana Hoxhiq gjate nje debati ne agllavice tha se qytetaret e asaj pjese duan te shohin rezultate ne dialogun Kosove-Serbi. Ne kete mes sipas saj nevojitet edhe nje dialog i brendshem i qeverise se Kosoves me popullaten lokale serbe.
Nevojitet dialog ndermjet qeverise se Kosoves dhe serbeve ne veri
shte shume e nevojshme qe te vendoset nje dialog i drejtperdrejte ndermjet Qeverise se Kosoves dhe qytetareve serbe ne veri sepse mendoj se nje dialog i tille mund te kontribuoje per vendosjen e mirebesimit ne kete pjese te Kosoves thote Adrijana Hoxhiq.
Qeveria e Kosoves sipas zevendeskryeministrit Hajredin Kuci disa here ka provuar qe te vendose dialog institucional me serbet e veriut por kjo ka qene e pamundur per shkak te kundershtimit te serbeve. Per me shume sipas tij muajt e fundit kjo eshte e pamundur per shkak se serbet jane barrikaduar.
Institucionet e Kosoves joatraktive per serbet ne veri
Puna me e veshtire per institucionet tona eshte qe te jemi atraktive per qytetaret tane serbe ne veri. Ne padyshim qe do te punojme ne kete drejtim por paraprakisht kerkohet zhbllokimi i asaj pjese te territorit te Kosoves thote Hajredin Kuci.
Grupi Nderkombetar i Krizave konstaton se ka mungese te madhe komunikimi ndermjet qeverise se Kosoves dhe serbeve te veriut dhe per pasoje zbatimi i planit te Marti Ahtisarit eshte i pamundur. Njeri nga analistet e Grupit Nderkombetar te Krizave Naim Rashiti thote se Prishtina zyrtare do te jete e detyruar qe me Beogradin ta diskutoje serish planin e Marti Ahtisarit dhe te mendoje per dicka pertej ketij plani.Bildunterschrift Groszligansicht des Bildes mit der Bildunterschrift Barrikadat e serbeve veshtiresojne integrimin e veriut.
Prishtina duhet te mendoje pertej planit te Marti Ahtisarit
Realisht treni i Ahtisarit per veriun ka ikur. Situata ne te cilen ndodhemi tani si dhe proceset qe do te vijne ne vazhdim sidomos proceset integruese te BE-se do ta detyrojne Prishtinen qe te mendoje pertej Planit te Ahtisarit. Me siguri qe Prishtina per nje kohe te gjate do te insistoje ne bazat e Planit te Ahtisarit dhe ne parim ne provizionet e ketij plani por realisht Prishtina do te ulet ne tavoline me veriun apo qofte edhe me Beogradin me Planin e Ahtisarit thote Naim Rashiti.
Sidoqofte zgjidhja per veriun e Kosoves dhe dalja nga bllokada aktuale pashmangshem sipas analisteve do te gjendet ne dialogun Prishtine-Beograd. Ky dialog sidomos pjesa ku flitet per dy pikat kufitare Jarinje dhe Bernjak duket se do te marre forme pasi qe edhe Prishtina edhe Beogradi kane dhene shenja se mund te arrihet nje zgjidhje nga nje ide e ndermjetesit ne keto biseda Robert Kuper per menaxhim te integruar te kufirit Kosove-Serbi. Kete e kane pohuar per mediet lokale ato te Serbise dhe Kosoves edhe shefja e ekipit te Prishtines ne biseda me Serbine Edita Tahiri dhe presidenti serb Boris Tadic.
Menaxhimi i integruar i kufirit do te thote sistem i integruar i kufirit sipas standardeve te Bashkimit Evropian ku parashihet qe te patrullojne ne menyre te perbashket doganiere dhe zyrtare kufitare nga Kosova Serbia dhe misioni EULEX. Takimi i radhes Prishtine Beograd eshte njoftuar te mbahet ne fund te nentorit por akoma nuk eshte caktuar data.
Autor Bekim Shehu / Prishtine
Redaktoi E. Xhani