“Kerkojme rritjen e pageses per kujdestaret”

Strehim, rritje te pageses se kujdestarise, subvencionim te naftes dhe ndryshimin e statusit kane qene kerkesat kryesore te invalideve para dhe tetraplegjike gjate protestes se zhvilluar dje perpara Kryeministrise. Nese keto kerkesa nuk do te plotesohen deri me daten 1 korrik, atehere protestat do te pershkallezohen dhe do te shkohet deri ne zhvillimin e grevave te urise. “Nje nga kerkesat kryesore, qe ne i kerkojme qeverise, eshte rritja e pages se kujdestarise. Sot nje invalid para dhe tetraplegjik merr vetem 6800 leke, nderkohe kerkojme qe kjo pagese te shkoje ne 13600 leke, pasi rritja e cmimeve na ka vene ne veshtiresi per sigurimin e jeteses”, jane shprehur protestuesit. Sipas tyre, nje tjeter pike shume e rendesishme eshte edhe ndryshimi i statusit te para dhe tetraplegjikut dhe kjo per vete faktin se shume prej ketyre personave nuk mund te perfitojne ato cka shteti ofron. Pavaresisht tryezave qe keta persona kane zhvilluar me pushtetare lokale, apo perfaqesues te Ministrise se Punes, perseri kerkesat e tyre nuk jane plotesuar. “Duke qene se Ministria e Punes dhe instancat e tjera nuk kane marre parasysh kerkesat tona, ne kemi vendosur te protestojme perpara Kryeministrise. Nese keto nuk plotesohen deri me 1 korrik, atehere do te futemi ne greve urie deri ne plotesimin e kerkesave”, kane pohuar protestuesit.