Këshilli i Ministrave miraton vendimin për shpërblimin e pronarëve dhe për sipërfaqet takuese të pasurive të paluajtshme, pronë private, që preken nga ndërtimet informale

Në mbledhjen e sotme të Këshillit të Ministrave u miratua vendimi  “Për shpërblimin e pronarëve dhe për sipërfaqet takuese të pasurive të paluajtshme, pronë private, që preken nga ndërtimet informale.”

Nëpërmjet këtij vendimi përcaktohet shpërblimi i pronarëve të ligjshëm, trojet  e të cilëve janë zënë nga ndërtimet informale, të kualifikuara për legalizim.

Vlera e shpërblimit të pronarëve të ligjshëm është përcaktuar nga Agjencia  e Kthimit dhe Kompensimit të pronave, duke e përllogaritur sipërfaqen që kompensohet, si truall në përputhje me metodikën  dhe vlerësimin e pronës së paluajtshme që kompensohet  dhe asaj që do të shërbejë për kompensim, sipas ligjit “Për  kthimin dhe kompensimin  e pronave”.

Ky vendim përcakton shpërblimin  e pronarëve të ligjshëm në qarqet e Tiranës, Elbasanit, Fierit, Beratit, Shkodrës, Gjirokastrës, Lezhës, Durrësit dhe Korçës, per siperfaqen e tokes, me vlerë të përgjithshme rreth 1,2 miliard lekë.