“Kështjella në Rërë”, aktivitet argëtues për fëmijët e Velipojës

TIRANË, 6 gusht/ATSH/ Në plazhin e Rrjollit, në Velipojë, është zhvilluar etapa e fundit e projektit “Kështjella në Rërë” me fëmijët e Qendrës “Hapa të Lehtë”.

Fëmijët, duke u bazuar në skicat e realizuara gjatë etapave të mëparshme, ndërtuan në terren, me duart e tyre, kështjellën e “ëndrrave”, duke i dhënë një tjetër shije ditës së tyre verore.

Drejtoria Rajonale e Trashëgimisë Kulturore Shkodër tha se, falë kureshtjes së fëmijëve për kështjellat dhe historinë që ato mbartin, shumë shpejt do të jenë po ata që do të marrin pjesë në një aktivitet tjetër të veçantë: improvizimin te këndi i “Arkeologut të Vogël” në Kalanë Rozafa, një hapësirë e ngritur posaçërisht për ta.

1 nga 5

/a.f/