Kim Jong Un dhe Putin kryesojnë listën e të ftuarve të Xi për paradën e madhe ushtarake të Kinës më 3 shtator

Ministria e Jashtme kineze ka njoftuar këtë të enjte (28 gusht) se udhëheqësi i Koresë së Veriut Kim Jong Un dhe presidenti rus Vladimir Putin do të mes 26 krerëve të shteteve dhe qeverive të huaja që do të marrin pjesë në paradën masive ushtarake të Kinës më 3 shtator.

Parada, që do të mbahet në sheshin Tiananmen të Pekinit, është pjesë e përkujtimeve të Kinës për të shënuar 80-vjetorin e përfundimit të Luftës së Dytë Botërore pas dorëzimit zyrtar të Japonisë.

Njoftimi, i cili i vendos Putinin dhe Kim në krye të listës së të ftuarve të Xi-së, përgatit skenën për një foto të jashtëzakonshme me tre udhëheqësit autokratë që qëndrojnë krah për krah në Portën e Paqes Qiellore në Pekin, në një shfaqje të qartë uniteti.

Pjesëmarrja e Kim, në paradë, do shënojë udhëtimin e tij të parë të udhëheqësit të Koresë së Veriut në Kinë që nga viti 2019.

Në paradën do të marrin pjesë presidenti i Bjellorusisë, Aleksandr Lukashenko, presidenti i Iranit, Masoud Pezashkian, presidenti indonezian, Praboëo Subianto dhe kryetari i Asamblesë Kombëtare të Koresë së Jugut, Ëoo Ëon-shik, si dhe presidenti serb Aleksandër Vuçiq, tha ndihmës ministri i jashtëm kinez, Hong Lei, në një konferencë për shtyp.

Asnjë udhëheqës perëndimor nuk do të jetë midis 26 krerëve të shteteve dhe qeverive të huaja që do të marrin pjesë në paradë javën e ardhshme – me përjashtim të Robert Ficos, kryeministrit të Sllovakisë, dhe një anëtareje të Bashkimit Evropian.

Kombet e Bashkuara do të përfaqësohen nga nënsekretari i përgjithshëm Li Junhua, i cili më parë ka shërbyer në pozicione të ndryshme në Ministrinë e Jashtme kineze, përfshirë kohën si ambasador kinez në Itali, San Marino dhe Mianmar.

Parada do të jetë një nga më të mëdhatë e Kinës në vite dhe do të shfaqë pajisje të teknologjisë së fundit si avionë luftarakë, sisteme mbrojtëse nga raketat dhe armë hipersonike.

Miliona kinezë u vranë gjatë një lufte të zgjatur me Japoninë perandorake në vitet 1930 dhe 1940, e cila u bë pjesë e një konflikti global pas sulmit të Tokios në Pearl Harbor në vitin 1941.

Partia Komuniste e Pekinit ka mbajtur një sërë aktivitetesh të rëndësishme vitet e fundit për të përkujtuar rezistencën e saj gjatë kohës së luftës, duke u zotuar se Kina nuk do të gjunjëzohet më kurrë në një mënyrë të tillë.

/rtsh.al/