Kina kopioi avionin ushtarak amerikan
Avioni më i përparuar teknologjik në ushtrinë kineze, reaktivi J-20, i cili shmang identifikimin në radar, mund të jetë ndërtuar pas studimit të një avioni ushtarak amerikan, të rrëzuar në konfliktin e Kosovës.
Admirali Davor Domazet-Loso, një drejtues i lartë i ushtrisë kroate në atë kohë, pretendon se agjentë të Shërbimeve Inteligjente Kineze mbërritën në vendngjarje në vitin 1999, duke marrë pjesë të avionit F-117, i pakapshëm prej radarëve. Ai e bëri këtë deklaratë sot në shtypin kroat.
Mjeti ishte rrëzuar nga kundraajrorët jugosllavë gjatë konfliktit. Kina testoi avionin e saj të parë të pakapshëm ushtarak një muaj më parë.