Kina përballet me përmbytje historike, intensifikohen përpjekjet e shpëtimit. Mijëra të evakuuar

Mijëra punonjës shpëtimi janë angazhuar në Zhuozhou të Kinës, një qytet i përmbytur me mbi 600,000 banorë në jugperëndim të Pekinit, ndërsa tajfuni Doksuri vazhduan të shkatërrojë zona të tëra të qytetit, dy herë më të madh se Parisi.

Zhuozhou është në provincën Hebei, e cila është përballur me stuhitë më të këqija që kanë goditur Kinën veriore në më shumë se një dekadë, duke vrarë të paktën 20 njerëz. Qyteti gjithashtu kufizohet me Pekinin, i cili u përmbyt me reshjet më të dendurat në 140 vjet.

Autoritetet në Hebei kanë shpallur një gjendje të jashtëzakonshme. Më shumë se 134,000 banorë të Zhuozhou janë prekur, me mbi një të gjashtën e popullsisë së qytetit të evakuuar.

Qyteti po përballet edhe me mungesë uji dhe një ndërprerje të pjesshme të energjisë elektrike.

Rreth 9 mijë ekipe shpëtimi janë dërguar në Zhuozhou, me më shumë ekipe shpëtimi që janë vendosur në provincat fqinje Henan dhe Shanxi. Një imazh satelitor i marrë të martën tregoi Zhuozhou të rrethuar nga ujërat e përmbytjeve nga tre anët./ Reuters

/rtsh.al/