Kine-SHBA bisedime per ekonomine mes tensionesh
Situata ekonomike per dy nga ekonomite me te fuqishme te globit dhe shkembimi i pikepamjeve te ndryshme kane qene ne qender te bisedimeve mes sekretarit amerikan per Thesarin Timothy Geithner dhe Kryeministrit kinez Wang Qishan pas perfundimit te takimit te ministrave te G20-s qe u zhvillua ne Korene e Jugut. Takimi u zhvillua shume pak kohe pas deklaratave te Geithner mbi politiken qe Kina po mban me monedhen e saj. Sipas Uashingtonit Pekini e mban ate artificialisht ne nivele te uleta per te rritur eksportet. Te dy zyrtaret jane te ngarkuar nga qeverite respektive qe te merren me problemet ekonomike dhe kane kryer takime vazhdimisht. Ambasada amerikane ne Kine beri me dije se zyrtaret kishin kembyer pikepamjet e tyre per marredheniet ekonomike mes Kines dhe SHBA-se. Sekretari amerikan per Thesarin dhe homologu i tij kinez jane te ngarkuar me pergjegjesine per te ulur tensionet mes Kines dhe SHBA-se. Nje deklarate e leshuar shpjegoi se zyrtaret kishin biseduar lidhur me pergatitjet per Samitin e udheheqesve te G20-s qe zhvillohet muajin e ardhshem ne Korene e Jugut. Politikanet ne SHBA qofte ata ne administraten Obama por edhe ne Kongres e kane vene nen presion Kinen qe te lejoje monedhen vendase juanin te rrise vleren ne linje me forcat e tregut. Ne takimin e ministrave te Financave te vendeve te G20-s qe u zhvillua ne fundjave zyrtaret rane dakord qe te shmangin zhvleresimet konkurruese te monedhave te tyre dhe te reduktojne deficitin. Disa e kane karakterizuar kete zhvillim si armepushimi ne luften monetare. Fondi Monetar Nderkombetar eshte ai qe do te mbikeqyre kete marreveshje per te cilen disa vezhgues thone se nuk ka force pasi nuk paraqet nje objektiv me shifra per Kinen qe ajo te ule bilancin pozitiv tregtar. Ne fakt Kina pret te fitoje ne menyre te konsiderueshme sepse plani i ri heq disa presione mbi te qe te lejoje monedhen vendase te vleresohet. Guvernatori i Bankes Qendrore te Kines e ka pranuar se vendit i duhet ta rrise vleren e monedhes por ai shton se kjo gje duhet te behet gradualisht. Kina shpreson qe pas perfundimit te zgjedhjeve te nentorit ne Amerike do te ndalen edhe disa prej kritikave te politikaneve amerikane mbi politikat ekonomike te Kines. Ne shtator ligjvenesit amerikane kane miratuar nje ligj qe ka si qellim ta ndeshkoje Kinen per arsye se nuk e ka rivleresuar monedhen vendase. Ky ligj vendosi tarifa mbi importet kineze per te cilat SHBA tha se perfitojne nga avantazhe te pandershme. Vendimi i Kongresit reflekton ndjenjen e pakenaqesise qe ekziston ne Amerike per ekonomine e dobet dhe shifrat e papunesise. Presidenti Obama e ka rritur presionin mbi Kinen per te rivleresuar monedhen per te cilen thone se mbahet e dobet ne menyre artificiale dhe i vendos produktet amerikane ne nje disavantazh ekonomik.