Kinezët në mërgim kërkojnë protesta

Përdoruesit e internetit në Kinë kanë bërë thirrje për protesta, kundër qeverisë në Pekin.

Sipas shembullit të të ashtuquajturit "Revolucioni Jasemin" në Tunizi qytetarët e pakënaqur në qytete të ndryshme të vendit duhet të dalin në rrugë kundër sundimit të Partisë Komuniste, thuhet në thirrjet që bëhen në internet.

Thirrjet duket që vijnë nga qarqe të grupeve kineze në mërgim. Autoritetet siç duket po përpiqen të pengojnë organizimin e protestave.

Aktivistja për mbrojtjen e të drejtave të njeriut, Ni Yulan, i tha agjencisë së lajmeve AP se gjatë ditëve të kaluara janë ndaluar disa aktivistë dhe disidentë, të cilët janë vendosur nën arrest shtëpiak dhe janë bllokuar telefonat e tyre mobilë.