Kjo është arsyeja se përse demokracia nuk funksionon?

Ky studim do të bënte të lumtur Hitlerin, Stalinin, por edhe shumë diktatorë të tjerë.

Shkencëtarët kanë arritur në përfundimin se teoria e demokracisë ka një problem të madh: shumica e publikut nuk ka aftësinë për të zgjedhur kandidatin e duhur për shkak se u mungon inteligjenca.

Sipas teorisë së studiuesve të universitetit Cornell, procesi demokratik nënkupton se në të vërtetë duhet zgjedhur kandidati më i mirë. Por studimi tregon se zgjedhjet demokratike prodhojnë lidership dhe politika mediokre. Shkak për këtë është se njerëzit nuk janë të aftë që të gjykojnë përgatitjen dhe nivelin e një personi tjetër. Për shembull, nëse njerëzit nuk kuptojnë nga taksat, nuk e kuptojnë se për çfarë flasin kandidatët. Shumë njerëz nuk e kanë aftësinë për të kuptuar se sa e mirë është një ide ose një propozim, thonë studiuesit.

Një arsye tjetër e fortë sipas tyre është se njerëzit kanë iluzione kur bie fjala tek aftësia e tyre intelektuale. Edhe ata që kanë një nivel shumë të ulët intelektual, mendojnë se janë mbi mesataren. Testi i realizuar edhe me ndihmën e një procesi zgjedhor të simuluar në kompjuter arriti në përfundimin se në demokraci nuk zgjidhen thuajse kurrë liderët më të mirë.