Klinton:Al Kaeda, kërcënim i pashmangshëm

Al-Kaeda vazhdon të jetë kërcënimi i pashmangshëm dhe po përhapet gjeografikisht, ka thënë sekretarja amerikane e shtetit, Hillari Klinton.

Para një takimi kundër terrorizmit në Stamboll, Klinton ka thënë se sulmet si ato të 11 shtatorit të Al Kaedës, mund të jenë në zhdukje, por ka tërhequr vërejtjen se rrjeti është më i përhapur në vise të ndryshme të botës.

“Për të luftuar një rrjet terrorist duhet të bëjmë më shumë sesa t`i largojmë terroristët nga fushëbeteja. Duhet t`ua sulmojmë financat, rekrutimin dhe vendstrehimet e tyre. Duhet të merremi me ideologjinë, dhe të zhdukim apelet e tyre, në veçanti ato drejtuar të rinjve”, ka thënë Klinton.

Sekretarja amerikane e shtetit, Hillari Klinton, ka bërë me dije, se në dekadën e kaluar janë vrarë më shumë se 120 mijë terroristë në gjithë botën dhe më shumë se 35 mijë janë dënuar. Në këtë kontekst, ajo ka përmendur edhe vrasjen e liderit të Al Kaedës, Osmaba bin Ladenit.

Sidoqoftë, Klinton ka thënë se duhet bërë më shumë për të luftuar kundër terrorizmit. “Ashtu si kërcënimi me të cilin përballemi i kalon kufijtë dhe oqeanet, ashtu duhet te jetë edhe reagimi ynë. Ne na duhet një qasje gjithëpërfshirëse kundër terrorizmit, që përfshin edhe pushtetin ushtarak edhe atë civil, që përdroë inteligjencën, ligjet, diplomacinë, zhvillimin, ndihmën humanitare dhe çdo partner e aset të mundshëm”, tha Klinton.

Në anën tjetër, homologu i saj turk, Ahmet Davotoglu, ka thënë se terrorizmi vazhdon të jetë pengesa krysore për sigurinë globale.

“Është kërcënim për të gjithë ne, pa dallim. Gjithashtu, ka potencial që të minojë atmosferën për zhvillimin ekonomik. Në të vërtetë, kjo është arseyja e kalkuluar prapa aktiviteteve teroriste në disa pjesë të vendit”, ka thënë ministri turk.