Klosi: Votimi për Ramën, konfirmoi bojkotin e Kuvendit

“Partia Socialiste e Shqipërisë është mëse e vendosur në marrëdhënien e saj të kushtëzuar me parlamentin për aq kohë sa maxhoranca nuk na siguron të drejtën tonë legjitime për të zbardhur të vërtetën e 28 qershorit. Edhe pse kanë kaluar javë nga parashtrimi i kërkesave tona, kryeministri vazhdon të heshtë”, tha deputeti socialist.

Klosi tha se kërkesa për zbardhjen e votës është e qartë për të gjithë shqiptarët, teksa thekson se kjo është një kërkesë ligjore. “Hetimi që ne kërkojmë, për të zbardhur të vërtetën e 28 qershorit, është vendosmëria jonë që zgjedhjet e ardhshme të jenë zgjedhje të standardeve të vendeve të NATO-s dhe Bashkimit Europian, të jenë të lira dhe të ndershme, ku ligji të mbizotërojë mbi pushtetin dhe askush të mos guxojë të dalë mbi të”, tha më tej ai.