Klubi i 11 kinezëve të pasur zgjedh gratë, në garë 2800 virgjëresha

Disa nga vajzat aplikuese

Një klub prej biznesmenësh kinezë ka regjistruar më shumë se 2800 kandidate të virgjëra, dhe çdonjëra aspiron të bëhet gruaja e njërit prej 11 biznesmenëve. Vajzat u mblodhën dhe u regjistruan pas paraqitjes së një njoftimi në provincën Guangdong, në Kinën Juglindore. Të 11 dhëndurët e pasur, ku përfshihet të paktën një miliarder, thanë se gjetja e stafit ishte gjithnjë e thjeshtë pas publikimit të ndonjë njoftimi dhe kështu ata vendosën të bëjnë të njëjtën gjë edhe për gratë e tyre. Në total do të zgjidhen vetëm 11 vajza, që do të jenë gratë e ardhshme të biznesmenëve, dhe të gjitha aplikueset duhet të ishin kineze ose me origjinë nga Kina, tërheqëse, beqare, dhe sigurisht të virgjëra. Limiti i moshës së vajzave është nga 18 në 28 vjeç, gjatësia e tyre duhej të ishte nga 160 cm në 175 cm, dhe duhej të kishin kualifikime të mira. Vetë burrat nuk u shqetësuan të merreshin me 2800 vajzat, por zgjodhën nëpërmjet ekraneve të vendosura në monitorimin e tyre 320 më të mirat, në një hotel në Guangzhou, kryeqytet i provincës Guangdong. Të 320 vajzat do të kalojnë një tjetër seleksionim, e një tjetër e një tjetër, derisa të përfundojnë vetëm 11 prej tyre. Në raundin e dytë, vajzave u duhet të kalojnë një konkurs bukurie, një test psikologjik, dhe të tregojnë talentet e tyre në mënyrë që të formohet lista finale. Të 11 burrat e pasur, emrat e të cilëve nuk u publikuan, e kanë ndërtuar pasurinë në prona ta patundshme, banka, modë dhe gastronomi.