Knesseti voton buxhetin duke mënjanuar zgjedhjet e reja

Parlamenti izraelit ka votuar për miratimin e buxhetit të propozuar nga qeveria, duke shmangur kështu nevojën për zgjedhje të reja.

Parlamenti izraelit, Knesset, miratoi në ligj buxhetin e shtetit 2021 me 61 vota pro nga 120 anëtarë të parlamentit.

Nëse buxheti nuk miratohej deri më 14 nëntor, parlamenti shpërndahej automatikisht, duke provokuar zgjedhje të reja brenda 90 ditëve.

”Kjo i jep Izraelit një buxhet të ri për herë të parë që nga marsi 2018”, raportoi gazeta ”Jerusalem Post”.

Buxheti ishte një hap vendimtar që koalicioni qeverisës nën kryeministrin Naftali Bennett të mbijetonte./ ATSH