Kolera shfaqet rrezikshëm në Afganistan

Ministria afgane e Shëndetësisë "ka regjistruar deri tani 673 raste në vend" me këtë sëmundje mjaft infektive, ndër të cilat në kryeqytetin Kabul, mësohet nga një komunikatë e ministrisë. Asnjë vdekje nuk është njoftuar deri tani.
     
Të gjitha vatrat e sëmundjes "janë nën kontroll dhe asnjë rast i ri nuk është njoftuar sot", shtoi ministria në komunikatë. Janë shpërndarë medikamente për të penguar përhapjen e sëmundjes. Kolera përhapet në kushte të këqija sanitare.
     
Sistemi shëndetësor në Afganistan është shkatërruar nga pothuaj tre dekada luftë dhe infrastrukturat e tij mbeten të pakta dhe jo të pajisura mirë.