Kolona e tankeve drejt Gazës, 313 viktima nga Palestina, mbi 500 izraelitë të vrarë
Vazhdojnë luftimet në jug të Izraelit midis militantëve të Hamasit dhe forcave izraelite.
Ministria palestineze e Shëndetësisë në Gaza raporton se sulmet izraelite kanë vrarë të paktën 400 palestinezë dhe më shumë se 2 mijë janë plagosur.
Raportohet se nga sulmet me raketa të Hamasit kanë mbetur viktima mbi 600 izraelitë dhe mbi 100 të tjerë janë marrë peng.
Ushtria izraelite ka filluar evakuimin e banorëve izraelitë që jetojnë në vendbanime pranë Gazës dhe ka rikthyer kontrollin mbi shumicën e zonave që ishin nën sulm.
Nga ana e vet, Hamasi thotë se ka kapur dhjetëra izraelitë, përfshirë ushtarë, ndërkohë që videot e verifikuara nga CNN shfaqin kapjen e disa prej tyre. Ushtria izraelite e ka konfirmuar pengmarrjen, ndërsa Sekretari i Shtetit në SHBA, Entoni Blinken, tha të dielën se ka raportime edhe për shtetas amerikanë të vrarë e të rrëmbyer.
Zëdhënësi i Hamasit, Ghazi Hamad, ka deklaruar se Irani i ka ofruar mbështetjen e tij Hamasit për të ndërmarrë sulmin e befasishëm ndaj Izraelit.
Ndërkohë mësohet gjithashtu se Forcat izraelite po përgatiten për një ndërhyrje tokësor në Rripin e Gazës, duke mobilizuar dhjetëra tanke drejt enklavës palestineze.
Kryeministri izraelit, Benjamin Netanjahu, ka deklaruar gjendjen luftarake dhe ka bërë thirrje për largimin e civilëve nga Gaza, duke paralajmëruar se ushtria izraelite do të shkatërrojë “të gjitha vendbanimet e fshehta të Hamasit”.
/rtsh.al/