Komisioni për Veprimtaritë Prodhuese, Tregtinë dhe Mjedisin shqyrtoi nen për nen projektligjin Për plehrat kimike

  Komisioni për Veprimtaritë Prodhuese, Tregtinë dhe Mjedisin, në mbledhjen e datës 4.11.2009, në orën 11:00, vazhdoi me shqyrtimin nen për nen të projektligjit Për plehrat kimike.   Ishin të pranishëm në mbledhje: përfaqësuesit e Ministrisë së Bujqësisë, Ushqimit dhe Mbrojtjes së Konsumatorit:  Adrian Doko, Osman Hoxha, Zaim Mema  dhe Glaudiana Balliu, si dhe përfaqësueset e Ministrisë së Integrimit: Blerina Xhaxhiu dhe Eranda Gega.
 
Gjatë shqyrtimit nen për nen, u propozuan  ndryshime në nenet:  1, 2, 3, 5, 6, 7, 8, 9, 11, 13, 14, 20, 21, 22 dhe  23, me qëllim përmirësimin e ligjit.   Pas diskutimeve,  projektligji u votua në tërësi.   Komisioni e miratoi projektligjin dhe u shpreh dakord që ai të kalojë për miratim në seancë plenare me ndryshimet që u propozuan në komision, gjatë shqyrtimit  nen për nen.