Kompensimi, 117 pronaret fitues

Shpallen 117 pronaret, qe perfitojne nga fondi prej 500 milione lekesh per kompensimin financiar te vitit 2007. Ky eshte edhe numri me i madh i subjekteve te shpronesuara qe perfitojne para nga shteti per pronat e sekuestruara, duke filluar qe nga viti 2005. Dje, drejtori i Pergjithshem i Agjencise se Kthimit dhe Kompensimit te Pronave, Besnik Maho, deklaroi se "per here te pare, per secilen dosje administrative, qe i perket nje subjekti te shpronesuar, si ndryshe nga vitet e tjera, jane pergatitur vleresimet ligjore, relacionet dhe vendimet perkatese per subjektet fitues, te skualifikuarit, si dhe subjekteve te tjere kandidate per te fituar, por qe ne pamundesi monetare nuk mund te perfitojne kete vit".
Per te perfituar nga fondi prej 500 milione lekesh aplikuan plote 469 pronareve nga 6 qarqe dhe 3 qytete, te cilet ishin pajisur me harten e vleres se prones. Nderkohe, pas shqyrtimit te dokumenteve te dorezuara si dhe afateve per marrjen e vendimeve per cdo pronare nga kjo perzgjedhje jane skualifikuar 352 subjekte, duke u shpallur fitues vetem 117. Ashtu edhe sic ishte parashikuar, serish qyteti i Tiranes kishte edhe pjesen me te madhe te pronareve qe perfituan nga ky fond. Keshtu, plot 37 pronare te kryeqytetit fituan, te ndjekur nga 32 pronare te Qarkut te Korces, 18 ne Qarkun e Lezhes si dhe 14 ne qytetin e Vlores. Pikerisht sipas kesaj linje eshte ndjekur edhe shperndarja e fondeve, pra Tirana ka pasur pjesen me te madhe e ndjekur nga qytetet e tjera.
Sipas Mahos, perzgjedhja e fituesve kete vit kaloi ne tre faza konkrete. Faza e pare kishte te bente me pranimin e kerkesave nga ana e subjekteve te shpronesuara, te cilet u perkasin atyre qarqeve dhe qyteteve te cileve u eshte miratuar harta e vleres. Kjo faze nisi nga data 1 tetor e ketij viti dhe zgjati deri me daten 22 tetor. Faza e dyte filloi menjehere pas marrjes ne dorezim te te gjithe dokumenteve te paraqitura nga subjektet e shpronesuara, ku AKKP nisi verifikimin e tyre prane hipotekave. Kjo faze zgjati per me shume se nje muaj e gjysme, nisur dhe nga veshtiresite e marrjes se konfirmimeve si dhe kryerjes se verifikimeve per pasurite e paluajtshme ne terren, per te gjitha ato vendime qe iu eshte njohur e drejta e parablerjes. Ndersa faza e trete, qe ishte edhe e fundit, nisi qe ne fillim te muajit dhjetor dhe kishte te bente me verifikimin perfundimtar te dokumentacionit te paraqitur nga subjektet e shpronesuara dhe te administruar nga specialistet e AKKP.
Fituesit sipas qarqeve:

37 subjekte fitues ne Qarkun e Tiranes
14 subjekte fitues ne Qarkun e Vlores
32 subjekte fitues ne Qarkun e Korces
18 subjekte fitues ne Qarkun e Lezhes
9 subjekte fitues ne Qarkun e Beratit
5 subjekte fitues ne Qarkun e Gjirokastres
2 subjekte fitues ne Qarkun e Kuksit