Leket, afati i terheqjes deri me 31 dhjetor

Pronaret, te cilet jane shpallur fitues te fondit prej 500 milione lekesh per kompensimin financiar te subjekteve te shpronesuara per kete vit, mund t'i terheqin parate deri me 31 dhjetor. Pas perfundimit te perzgjedhjes se 117 subjekteve qe u shpallen fitues per kete vit, drejtori i Pergjithshem i Agjencise se Kthimit dhe Kompensimit te Pronave, Besnik Maho, theksoi dje se te gjithe keta pronare duhet te paraqiten prane zyrave te AKKP-se per te dorezuar edhe disa dokumente te tjere. Sipas procedures se percaktuar nga specialistet e agjencise, duke filluar nga sot fituesit duhet te paraqiten prane zyres se finances per te dorezuar nje dokument identifikimi, nje numer llogarie ne "Raiffeisen Bank" si dhe nje prokure te posacme. Kjo prokure aplikohet ne rastet kur te gjithe bashkepronaret kane percaktuar nje person per t"i perfaqesuar ata si pronare te ligjshem te prones qe do te kompensohet. Ne rast se nuk kane nje perfaqesues te tille, atehere te gjithe trashegimtaret e kesaj prone duhet te paraqiten prane zyrave te AKKP-se per te ndjekur procedurat.
Duke filluar nga sot, 110 subjektet fituese mund ta ndiejne veten pronare, pasi leket e fituara do te kalojne ne llogarite personale bankare. Por, ata kane afat per te dorezuar dokumentet e nevojshme per te marre keto para deri ne daten 31 dhjetor. Ende nuk ka nje procedure se si do te veprohet ne rast se fituesit nuk paraqiten brenda kesaj date, megjithate fundi i ketij viti eshte edhe afati i fundit per dorezimin e dokumenteve. Nderkohe qe subjektet fitues duhet te llogariten edhe kohen e nevojshme per transferimin e parave nga llogaria bankare e Agjencise se Pronave ne llogarine personale ne menyre qe ta ndiejne veten perfundimisht fitues. Nderkohe, mesohet se diferenca e lekeve qe ka ngelur nga fondi prej 5 milione dollaresh nuk i ka kaluar subjektit pasardhes ne rend kronologjik, por subjektit te shpronesuar, i cili ne rend kronologjik figuron i pari ne listen e atij qarku, apo qyteti qe nuk ka arritur te perfitoje asgje nga kompensimi financiar i ketij viti. Keshtu, kjo pjese lekesh ka kaluar per njerin nga 3 subjektet qe kane aplikuar ne qytetin e Dibres, pasi nga ky qark nuk kishte arritur asnje qe te perfitonte.
Dokumentet:
Dokument identifikimi
Nr. llogarie ne "Raiffeisen Bank"
Prokure e posacme