“Komploti” në Turqi, gjykata 20 vjet burg gjeneralëve

Një gjykatë turke ka dënuar të premten rreth 330 zyrtarë ushtarakë, nën akuzat se kanë bërë përpjekje të rrëzojnë qeverinë e kryeministrit Recep Tayyip Erdogan. Gjykata ka dënuar tre ish-gjeneralë, përfshirë ish-shefin e forcës ajrore, me burgim të përjetshëm.

Gjykatësi ka thënë se ata do të shpërbejnë vetëm 20 vjet, pasi komploti i vitit 2003 ka dështuar. Më shumë se 320 oficerë të tjerë, të pensionuar ose në detyrë, janë dënuar deri në 18 vjet heqje lirie, ndërsa tridhjetekatër të tjerë janë liruar.

Konspiracioni i quajtur "Sledgehammer" ka përfshirë planet për të bombarduar xhamitë në Stamboll dhe për të shkaktuar konflikt me Greqinë, për t`i hapur kështu rrugën ushtrisë që të marrë pushtetin.

Të pandehurit i kanë mohuar akuzat, duke thënë se komploti i dyshuar ka qenë stërvitje e planifikuar ushtarake. Ushtria turke ka organizuar tre grusht-shtete në periudhën 1960-1980.