Konkurrenca per studentet, digjen 6 autobuse

Fier- Nje zjarr qe dyshohet te kete qene i qellimshem ka shkrumbuar mbreme 6 autobuse ne parkun e Fierit. Ngjarja ka ndodhur rreth ores 21:30, ndersa drejt vendngjarjes kane shkuar tre autobote te Zjarrfikeseve dhe forca te shumta policie. Mjetet pergatiteshin mengjesin e sotem qe te transportonin drejt Vlores studentet e rinj me rastin e nisjes se vitit akademik. Burime zyrtare te policise thane se moren nje telefonate qe i vinte ne dijeni per flaket e medha ne ambientet e ish-parkut qe tashme sherben per autobuset e linjave interurbane. Megjithe nderhyrjen e menjehershme te punonjesve dhe policise, zjarri ka mundur qe brenda pak minutave te djeg gjashte prej mjeteve te parkuara, kurse disa te tjere jane shkrumbuar pjeserisht dhe kane dale jashte funksionit. Ne pyetje eshte marre edhe roja i parkingut, qe ka pohuar se zjarri ka qene i qellimshem per shkak te konkurrences dhe se aty nuk ka pasur mundesi qe flaket te binin ne menyre aksidentale. Ne qytet veprojne disa firma te ndryshme te linjave te autobuseve interurbane, qe duket se jane perfshire nga rivaliteti per pasagjeret. Demi ekonomik mesohet se eshte i madh sipas burimeve zyrtare nga policia dhe zjarrfikesja. Nje grup hetimor eshte ngritur per te zbardhur ngjarjen dhe zbuluar autoret.

Xh. Beharaj