Kontroll banesave per "emigrantet" e kerkuar

Emigrantet vene ne levizje agjentet e policise dhe inspektoret e zonave ne qarkun e Fierit. Drejtuesit e policise vendore kane mbledhur vartesit duke u "terhequr" veshin per rezultatet e dobeta ne zbulimin dhe kapjen e te kerkuarve te listes. Kontrolle te shumta jane kryer pergjate muajve te veres ne banesat e personave te shume kerkuar per krime te ndryshme, por pa arritur te kapen te dyshuarit. Po keshtu jane ushtruar kontrolle edhe ne shtepite e te afermve te tyre, por pa rezultat. Burime zyrtare te policise se Fierit thane dje per gazeten "KJ" se numri i personave te kerkuar ne listen e "zeze" shkon ne 573, ndersa pergjate ketij viti eshte arritur te kapen vetem 52 prej tyre. Ngarkesen me te madhe e ka pasur sektori i personave te kerkuar, qe ka kryer verifikime per emigrantet e sapokthyer nga Greqia, Italia apo vende te tjera te Evropes. Mesohet se jane kryer mbi 200 kontrolle banesash nga uniformat blu qe prej fundit te muajit korrik dhe deri diten e djeshme, ne qytetet e Fierit, Lushnjes, Ballshit apo Divjakes. Disa dite me pare kreret me te larte te drejtorise se policise kane mbledhur shefat e seksioneve te tre komisariateve, duke u kerkuar nje rifreskim te listave te te shpallurve ne kerkim, si dhe te materialeve fotografike per gjithsecilin prej tyre. Por kete fundjave kreret e drejtorise kane rimbledhur vartesit e tyre per t'u perballur me rezultatet, ku ka pasur edhe kritika te ashpra per punen e dobet. Po keshtu jane mbajtur nen vezhgim te plote vendet ku mendohet se gjejne strehe te kerkuarit, si dhe eshte ushtruar kontroll ne te gjitha automjetet e dyshimta. Te pyetur perse behej ky verifikim, kur sistemi TIM-s eshte aktiv, zyrtare te drejtorise se policise thane se shume prej te kerkuarve i shpetojne kontrollit ne pikat kufitare, pasi sistemi edhe mund te pesoje defekt here pas here, ose perdorin pika te tjera kalimi e rruge te fshehta. Po keshtu mesohet se nje pjese e tyre nderrojne fotografite ne pasaporta apo kryejne falsifikime te qellimshme. Nje pjese e te kerkuarve te listet jane te denuar me vendim te formes se prere te Gjykates se Fierit.

Urdhri

Shefat e seksioneve mesohet se kane urdheruar vartesit e tyre te shperndare ne zonat qe mbulojne me sherbim, qe te gjitha informacionet e mbledhura per te kerkuarit te raportohen cdo mengjes ne polici.

Lista

Policia e Shtetit here pas here rifreskon listat e te kerkuarve ne shkalle vendi. Numri i tyre shkon nga 1900-2100 mesatarisht ne varesi te ngjarjeve dhe te arrestimeve qe kryen policia pergjate aksioneve te saj.

537 Persona Eshte numri i personave te kerkuar ne Drejtorine e Policise Fier dhe kjo shifer nuk ka ndryshuar ne krahasim me gjashtemujorin e pare te ketij viti. Per kete shkak me nisjen e sezonit te pushimeve, eshte kerkuar verifikimi i listes.

52 Te kerkuar Jane arrestuar nga policia e qarkut Fier nga fillimi i ketij viti e deri ne fund te muajit qershor. Nderkohe qe prej dhenies se urdhrit te verifikimit te listes, agjentet nuk kane mundur te vene ne pranga asnje prej te kerkuarve.

Xh.Beharaj