Kontrolle në Shkodër/ Policia Rrugore njofton për 1981 masa të marra ndaj shkeljeve

Policia Rrugore e Shkodrës ka intensifikuar kontrollet në të gjitha akset rrugore, duke qenë e pranishme 24/7 për parandalimin e aksidenteve dhe garantimin e sigurisë rrugore. Policia Rrugore njofton se monitorimet bëhen me pajisje moderne logjistike, të loguara dhe të paloguara, për menaxhimin e trafikut dhe evidentimin e shkeljeve.

Në njoftim, theksohet se gjatë dy javëve të fundit, janë arrestuar 5 drejtues mjetesh dhe janë proceduar penalisht 15 të tjerë për shkelje të Kodit Rrugor, ndërsa janë vendosur gjithsej 1981 masa administrative, duke përfshirë:

• 120 për mosvënien e rripit të sigurimit;

• 66 për mosvënien e kaskës mbrojtëse;

• 16 për përdorimin e celularit gjatë drejtimit të mjetit;

• 45 për drejtim nën efektin e alkoolit;

• 244 për tejkalim të normave të shpejtësisë;

• 267 për parakalime të gabuara;

• 724 për ndalim ose qëndrim të gabuar;

• 89 për mosdhënie përparësie këmbësorëve;

• 410 për shkelje të tjera të Kodit Rrugor.

Kontrollet do të vijojnë në të gjitha akset urbane, interurbane dhe rurale, me qëllim përmbushjen e parametrave të sigurisë rrugore.

Policia apelon për drejtuesit e mjeteve të respektojnë rregullat, të shmangin përdorimin e celularit dhe drejtimin nën efektin e alkoolit, si dhe të mos kryejnë parakalime të gabuara.