Konventa e PD, Berisha: Në 4 vite s’do ta ndal vrapin për të ndryshuar Shqipërinë rurale
TIRANE- Partia Demokratike zhvilloi në Pallatin e Kongreseve konventën e dytë, pas asaj për punësimin, me në fokus mbështetjen ndaj fermerëve shqiptarë. Konventa u hap nga ministri i Financave, Ridvan Bode i cili u shpreh se zonat rurale janë shpirti i këtij vendi dhe zhvillimi i tyre do të thotë zhvillim për të gjithë Shqipërinë.
Bazuar në modelin amerikan, në Konventë folën njëri pas tjetrit personalitete të qeverisë por edhe figura të reja të spikatura, duke paraqitur me detaje programin e demokratëve për mbështetjen ndaj fermerëve.
BERISHA: NË MANDATIN E ARDHSHËM S’DO TA NDAL VRAPIN PËR TË NDRYSHUAR SHQIPËRINË RURALE
ORA 19:20- Në fjalën e tij, kryeministri Berisha shprehu nderimin e tij më të thellë për cdo fermer shqiptar, për punën e tyre të palodhur, nga e cila sic tha ai ne përfitojmë në cdo vakt.
“Unë nga kjo tribunë dua të përulem me nderimin më të madh pas secilin fermer shqiptar, të shpreh respektin dhe dashurinë, mirënjohjen e pakufishme ndaj tyre. Ne kemi bërë për ta, por ju duhet ta dini se shumë herë më e madhe është dashuria e fermerit shqiptar për familjen e tij, për kopshtin, arën, lopën, derrat e delet, për ullinjtë, për gjithçka që ai prodhon për familjen dhe shoqërinë shqiptare. I garantoj ata se ne jemi krenarë me ta. Janë ata që me këtë dashuri krijojnë të mirat që gëzojmë ne në cdo vakt, në cdo rast. Fermerët janë qytetarë që jetojnë vështirësi të mëdha, ata të ngjallin respektin më të thellë, kur ne vazhdojmë gjumin e mëngjesit ata zgjohen pa gdhirë, puna për ta s’mbaron kurrë, nga lopa kalon tek kopshti, më pas në arë. Ne iu detyrohemi atyre shumë më tepër nga sa kemi bërë”, tha Berisha.
Berisha nënvizoi se, “Ne kemi shumë për të bërë, do bëjmë gjithçka për t’i shpërblyer me ato meritojnë, atë që bëjnë për shoqërinë tonë. Mos harroni se në fytyrat e tyre shfaqen rrudhat dhe kërrusja për shkak të mundimit, por rrudhat janë vula e zotit për punën e tyre të bekuar. Këto kohë kemi hartuar programin e 4 viteve që vijnë me ekspertë, specialistë e akademikë të shkëlqyer. Por jemi konsultuar edhe me fermerët të cilët na dhanë mendimet më të vyera për mandatin e ardhshëm”, tha ai.
Kryeministri e cilësoi fermerin kujdestarin e zotit që qëndis tokën, kodrat e fushat, ndërsa premtoi se qeveria e tij do bëjë cdo gjë që fshati t’i ngjajë sa më shumë qytetit. Për Berishën mandati i ri do jetë i rrugëve të pashtruara, energjisë e ujësjellësve.
“Do bëjmë gjithçka që cdo fshat të ketë infrastrukturën e lagjeve në qytet. Pak vite më parë ata përjetonin errësirat e zgjatura, ne i ndaluam ato, garantuam furnizimin me energji, ata janë zhvilluar aq shumë sa drita që ju cojmë ne është e zbehtë. Jam këtu për tu zotuar se 4 vitet që vijnë cdo fshat shqiptar do llamburitë nga dritat njësoj si lagjet e qyteteve tona. Ne kemi ndërtuar 8 mijë km rrugë. Unë dua t’i garatoj fermerët se tapetet e kuqe ku kaloj s’do më bëjnë të mos shoh gropat pranë tyre për të asfaltuar cdo km rrugë të mbetur, mandati i ardhshëm garanton përfundimin e infrastrukturës moderne, vrapi im s’do ndalet kurrë deri sa fëmijët e tyre të ulen në të njëjtat shkolla si fëmijët e qytetit, vrapi s’do ndalet kurrë deri sa të garantojmë ujë të rrjedhshëm për cdo fshat. Sukseset nuk na pengojnë të shohim vështirësitë”, tha ai më tej.
“Ne qëndrojmë të vendosur të bëjmë gjithçka që në 4 vitet që vijnë të shumëfishojmë prodhimin në tokën shqiptare”, tha ai.
Kryeministri Berisha theksoi vendosmërinë e qeverisë së tij për të vijuar mbështetjen për fermerët përmes trefishimit të granteve.
“Zotimi është solemn se do të financojmë, do të nxisim prodhimin në çdo fushë, në çdo fshat, në çdo rreth në mbarë Shqipërinë. Ne jemi të vendosur katër vitet që vijnë të bëjmë shumë më tepër për fermerët shqiptarë për Shqipërinë rurale, përpara përpara, përpara.”-përfundoi kryeministri.
RULI: RAMA SYNON T’I MARRE FRYMËN BIZNESIT
ORA: 18:35 - Ministri i Bujqësisë, Genc Ruli akuzoi kryetarin e PS-së, Edi Rama, se me programin e tij synon “t’i marrë frymën biznesit përpunues dhe agrobiznesit në Shqipëri, përmes rritjes së taksave.”
“Edi Rama është për taksën progresive dhe ne themi, njerëz bëni kujdes sepse ai mendon vetëm se si e si taksat t’i rrisë në mënyrë progresive. Për 11 vjet qytetarët kanë parë një Ramë kryetar bashkie që dyfishoi taksat për qytetarët e Tiranës. Ka deklaruar se do heqë TVSH dhe për prodhimet bujqësore dhe ushqimore, kjo “bamirësi” e Ramës vetëm do ta vrasi fermerin shqiptar. Plani i Edi Ramës është një dhe vetëm një, rritja e taksave për biznesin e mesëm. Ne duhet të ndalojmë që rritja e taksave të ndodhë në Shqipëri”- deklaroi Ruli.
Ministri Ruli theksoi vendosmërinë e qeverisë për ta konsideruar zhvillimin e fshatit si një ndër prioritetet e programit të PD-së.
“Ky premtim është realist, është i besueshëm, pasi ne arritëm të bëjmë shumë për fshatin gjatë viteve të kaluara. Në 5 vitet e fundit qeveria jonë për herë të parë zbatoi skemën e ndihmave të drejtpërdrejta falas për fermerët. Këto fonde do të shumëfishohen gjatë mandatit të ardhshëm. Eksperienca e ka treguar që modeli jonë ka qenë i suksesshëm.”- deklaroi ministri Ruli.
TOPALLI: KEMI NXJERRE FSHATIN NGA IZOLIMI
ORA 18:24 - Kryetarja e Kuvendit, Jozefina Topalli, e vuri theksin në arritjet e kësaj qeverie për përmirësimin e kushteve të jetesës në fshat.
Sipas Topallit, “me punën që qeveria Berisha ka bërë në këto tetë vjet, jo vetëm që e ka nxjerrë fshatin nga izolimi, por nëpërmjet shërbimit të interneti falas në të gjitha pikat e postës shqiptare e ka lidhur atë me botën”.
Topalli theksoi se zhvillimi i fshatit është zhvillimi i Shqipërisë. “PD ka punuar fort gjatë këtyre viteve, por ka dhe shumë për të bërë dhe kjo do të realizohet gjatë katër viteve të ardhshme. Ne duam t’i trajtojmë njësoj të gjithë qytetarët e këtij vendi, pavarësisht se ku banojnë. Ne e dimë se çfarë duhet bërë tjetër dhe ne do ta bëjmë këtë gjatë 4 viteve të fundit. Zhvillimi i fshatit është zhvillimi i Shqipërisë, në jemi ndryshimi përpara, përpara përpara.”- përfundoi Topalli.
PATOZI: RAMA BLLOKON ZHVILLIMIN E FSHATIT, SE ATJE VOTOJNË PËR SALIUN
ORA 18:14- Kreu i grupit parlamentar të PD-së, Astrit Patozi deklaroi gjatë konventës se Partia Demokratike do vazhdojë të punojë fort për lidhjen e zonave rurale me akset kombëtare, por edhe për tju ofruar atyre më shumë arsimim e teknologji moderne.
Në anën tjetër tha Patozi qëndron Rama me alternativën e tij të bllokimit. Sipas Patozit Rama nuk e do zhvillimin e fshatit.
“Zoti Rama ka një vizion të krijuar në odën e tij të fantazive, ai s’do që Shqipëria rurale të zhvillohet, nuk punon që gjithë shqiptarët të zhvillohen njësoj, do të vërë mur bllokues për zhvillimin e fshatrave, duket se ai thellë thellë e urren fshatin, banorët e Shqipërisë rurale i ka konsideruar si injorantë që votojnë Saliun”, tha Patozi.
Sipas Patozit strategjia e tij elektorale, përbëhet vetëm nga axhenda e tij personale. “Nga ai nuk pres asgjë të mirë është kundër cdo lloj zhvillimi”.
OLLDASHI: INVESTIMET, JETA NE FSHAT NUK ESHTE ME MUNDIM
ORA: 18:01 -Gjatë fjalës së tij në konventën “për më shumë mbështetje për fermerët”, Ministri i Transporteve, Sokol Olldashi, renditi investimet e qeverisë në zonat rurale, duke theksuar se vështirësitë e fshatit kanë qenë sfidë gjatë 8 viteve të fundit. Sipas ministrit Olldashi, investimet kanë bërë që jeta në fshat të mos jetë më një mundim.
“Sot në çdo cep të Shqipërisë ku me parë ishte bela të jetojë, ku çdokush mendonte të ikte, mjafton që të shpëtonte prej fshatit, sot situata është ndryshe, në fshat ka rrugë të shtruara, ka biznese, ka jetë. 8 vjet rresht ne kemi bërë detyrat tona, kemi ndërtuar 10 mijë km rrugë, kemi përmirësuar sistemin e ujësjellësave duke siguruar furnizimin me ujë të rrjedhshëm brenda standardeve. Në sajë të investimeve sot situata ka ndryshuar për mirë dhe jeta në fshat nuk është më një mundim. Ne jemi ndryshimi, ne jemi ata që mbajnë premtimet, që ndryshojnë Shqipërinë, përpara”- u shpreh ministri Olldashi.
BODE: PERSHPEJTOJME NDRYSHIMIN E SHQIPERISE RURALE
ORA 17:15- Konventa u hap nga ministri i Financave, Ridvan Bode i cili u shpreh se zonat rurale janë shpirti i këtij vendi dhe zhvillimi i tyre do të thotë zhvilli për të gjithë Shqipërinë.
“Kur zhvillohet Shqipëria rurale nuk ka rëndësi ku jeton gjithsecili. Të gjithë shqiptarët meritojnë një punë më dinjitoze, fermerët janë pjesa e kombit që siguron mirëqenien me sakrifica të mëdha, ata falin dashuri dhe përkujdesje për produktin e tyre, kultivojnë jetë bimësh dhe gjënë e gjallë. Ne besojmë se zonat rurale janë shpirti i këtij vendi, kur fshatrat dhe komunat tona zhvillohet mbarë Shqipëria zhvillohet”, tha ai.
Nën qeverisjen demokratike sic tha Bode më tej fshati dhe fermerët janë zhvilluar. Fermat shtoi ai, kanë rritur prodhimet e tyre dhe janë bërë më konkurruese falë investimeve të qeverisë, sic nënvizoi ai.
“Ndryshimi fillon nga një gjë e thjeshtë sic është një rrugë, që për ta është lidhje me tregun. Rrugët janë arteriet ku rrjedh mundi i fermerët. Në 8 vite ne kemi ndërtuar 6500 km rrugë rurale. Këto rrugë nuk i lidhin këta banorë vetëm me qytetet, por edhe me shkollat e qendrat shëndetësore”, tha Bode.
Bode tha më tej se, “Ne nuk ramë në krizë, bujqësia ishte pjesa më vitale përgjatë krizës, në 4 vitet e fundit është rritur 2 herë më shpejt se mesatarja e ekonomisë. Fermat kanë rritur prodhimin me 30%, produktet janë bërë më konkurruese dhe më të kërkuara”, tha Bode.
Ministri Bode nënvizoi se PD është e gatshme të përshpejtojë ndryshimin për zonat rurale.
“Ne e dimë se të gjitha sa kemi bërë nuk mjaftojnë, ne jemi të bindur që qytetarët meritojnë më shumë, sot të vendosim për përshpejtimin e ndryshimit. PD ka një program, atë që do shpalosim sot në këtë konventë. Programi që kërkojnë qytetarët dhe që do na ofrojë më shumë me kombet e zhvilluara. Fermerët nuk do paguajnë asnjë qindarke tatim për imputet në bujqësi, për farërat, asnjë qindarkë për makineritë që modernizojnë bujqësinë, kemi lehtësuar taksimin”, tha Bode.
“Ne sot jemi këtu, për të mbështetur fermerët, të punojmë për zhvillimin e Shqipërisë rurale, kur ka ajo sukses të gjithë kemi sukses, kur ajo ndryshon e gjithë jeta e shqiptarëve ndryshon”, vijoi ai.
(er.nu/m.a/BalkanWeb)
Bazuar në modelin amerikan, në Konventë folën njëri pas tjetrit personalitete të qeverisë por edhe figura të reja të spikatura, duke paraqitur me detaje programin e demokratëve për mbështetjen ndaj fermerëve.
BERISHA: NË MANDATIN E ARDHSHËM S’DO TA NDAL VRAPIN PËR TË NDRYSHUAR SHQIPËRINË RURALE
ORA 19:20- Në fjalën e tij, kryeministri Berisha shprehu nderimin e tij më të thellë për cdo fermer shqiptar, për punën e tyre të palodhur, nga e cila sic tha ai ne përfitojmë në cdo vakt.
“Unë nga kjo tribunë dua të përulem me nderimin më të madh pas secilin fermer shqiptar, të shpreh respektin dhe dashurinë, mirënjohjen e pakufishme ndaj tyre. Ne kemi bërë për ta, por ju duhet ta dini se shumë herë më e madhe është dashuria e fermerit shqiptar për familjen e tij, për kopshtin, arën, lopën, derrat e delet, për ullinjtë, për gjithçka që ai prodhon për familjen dhe shoqërinë shqiptare. I garantoj ata se ne jemi krenarë me ta. Janë ata që me këtë dashuri krijojnë të mirat që gëzojmë ne në cdo vakt, në cdo rast. Fermerët janë qytetarë që jetojnë vështirësi të mëdha, ata të ngjallin respektin më të thellë, kur ne vazhdojmë gjumin e mëngjesit ata zgjohen pa gdhirë, puna për ta s’mbaron kurrë, nga lopa kalon tek kopshti, më pas në arë. Ne iu detyrohemi atyre shumë më tepër nga sa kemi bërë”, tha Berisha.
Berisha nënvizoi se, “Ne kemi shumë për të bërë, do bëjmë gjithçka për t’i shpërblyer me ato meritojnë, atë që bëjnë për shoqërinë tonë. Mos harroni se në fytyrat e tyre shfaqen rrudhat dhe kërrusja për shkak të mundimit, por rrudhat janë vula e zotit për punën e tyre të bekuar. Këto kohë kemi hartuar programin e 4 viteve që vijnë me ekspertë, specialistë e akademikë të shkëlqyer. Por jemi konsultuar edhe me fermerët të cilët na dhanë mendimet më të vyera për mandatin e ardhshëm”, tha ai.
Kryeministri e cilësoi fermerin kujdestarin e zotit që qëndis tokën, kodrat e fushat, ndërsa premtoi se qeveria e tij do bëjë cdo gjë që fshati t’i ngjajë sa më shumë qytetit. Për Berishën mandati i ri do jetë i rrugëve të pashtruara, energjisë e ujësjellësve.
“Do bëjmë gjithçka që cdo fshat të ketë infrastrukturën e lagjeve në qytet. Pak vite më parë ata përjetonin errësirat e zgjatura, ne i ndaluam ato, garantuam furnizimin me energji, ata janë zhvilluar aq shumë sa drita që ju cojmë ne është e zbehtë. Jam këtu për tu zotuar se 4 vitet që vijnë cdo fshat shqiptar do llamburitë nga dritat njësoj si lagjet e qyteteve tona. Ne kemi ndërtuar 8 mijë km rrugë. Unë dua t’i garatoj fermerët se tapetet e kuqe ku kaloj s’do më bëjnë të mos shoh gropat pranë tyre për të asfaltuar cdo km rrugë të mbetur, mandati i ardhshëm garanton përfundimin e infrastrukturës moderne, vrapi im s’do ndalet kurrë deri sa fëmijët e tyre të ulen në të njëjtat shkolla si fëmijët e qytetit, vrapi s’do ndalet kurrë deri sa të garantojmë ujë të rrjedhshëm për cdo fshat. Sukseset nuk na pengojnë të shohim vështirësitë”, tha ai më tej.
“Ne qëndrojmë të vendosur të bëjmë gjithçka që në 4 vitet që vijnë të shumëfishojmë prodhimin në tokën shqiptare”, tha ai.
Kryeministri Berisha theksoi vendosmërinë e qeverisë së tij për të vijuar mbështetjen për fermerët përmes trefishimit të granteve.
“Zotimi është solemn se do të financojmë, do të nxisim prodhimin në çdo fushë, në çdo fshat, në çdo rreth në mbarë Shqipërinë. Ne jemi të vendosur katër vitet që vijnë të bëjmë shumë më tepër për fermerët shqiptarë për Shqipërinë rurale, përpara përpara, përpara.”-përfundoi kryeministri.
RULI: RAMA SYNON T’I MARRE FRYMËN BIZNESIT
ORA: 18:35 - Ministri i Bujqësisë, Genc Ruli akuzoi kryetarin e PS-së, Edi Rama, se me programin e tij synon “t’i marrë frymën biznesit përpunues dhe agrobiznesit në Shqipëri, përmes rritjes së taksave.”
“Edi Rama është për taksën progresive dhe ne themi, njerëz bëni kujdes sepse ai mendon vetëm se si e si taksat t’i rrisë në mënyrë progresive. Për 11 vjet qytetarët kanë parë një Ramë kryetar bashkie që dyfishoi taksat për qytetarët e Tiranës. Ka deklaruar se do heqë TVSH dhe për prodhimet bujqësore dhe ushqimore, kjo “bamirësi” e Ramës vetëm do ta vrasi fermerin shqiptar. Plani i Edi Ramës është një dhe vetëm një, rritja e taksave për biznesin e mesëm. Ne duhet të ndalojmë që rritja e taksave të ndodhë në Shqipëri”- deklaroi Ruli.
Ministri Ruli theksoi vendosmërinë e qeverisë për ta konsideruar zhvillimin e fshatit si një ndër prioritetet e programit të PD-së.
“Ky premtim është realist, është i besueshëm, pasi ne arritëm të bëjmë shumë për fshatin gjatë viteve të kaluara. Në 5 vitet e fundit qeveria jonë për herë të parë zbatoi skemën e ndihmave të drejtpërdrejta falas për fermerët. Këto fonde do të shumëfishohen gjatë mandatit të ardhshëm. Eksperienca e ka treguar që modeli jonë ka qenë i suksesshëm.”- deklaroi ministri Ruli.
TOPALLI: KEMI NXJERRE FSHATIN NGA IZOLIMI
ORA 18:24 - Kryetarja e Kuvendit, Jozefina Topalli, e vuri theksin në arritjet e kësaj qeverie për përmirësimin e kushteve të jetesës në fshat.
Sipas Topallit, “me punën që qeveria Berisha ka bërë në këto tetë vjet, jo vetëm që e ka nxjerrë fshatin nga izolimi, por nëpërmjet shërbimit të interneti falas në të gjitha pikat e postës shqiptare e ka lidhur atë me botën”.
Topalli theksoi se zhvillimi i fshatit është zhvillimi i Shqipërisë. “PD ka punuar fort gjatë këtyre viteve, por ka dhe shumë për të bërë dhe kjo do të realizohet gjatë katër viteve të ardhshme. Ne duam t’i trajtojmë njësoj të gjithë qytetarët e këtij vendi, pavarësisht se ku banojnë. Ne e dimë se çfarë duhet bërë tjetër dhe ne do ta bëjmë këtë gjatë 4 viteve të fundit. Zhvillimi i fshatit është zhvillimi i Shqipërisë, në jemi ndryshimi përpara, përpara përpara.”- përfundoi Topalli.
PATOZI: RAMA BLLOKON ZHVILLIMIN E FSHATIT, SE ATJE VOTOJNË PËR SALIUN
ORA 18:14- Kreu i grupit parlamentar të PD-së, Astrit Patozi deklaroi gjatë konventës se Partia Demokratike do vazhdojë të punojë fort për lidhjen e zonave rurale me akset kombëtare, por edhe për tju ofruar atyre më shumë arsimim e teknologji moderne.
Në anën tjetër tha Patozi qëndron Rama me alternativën e tij të bllokimit. Sipas Patozit Rama nuk e do zhvillimin e fshatit.
“Zoti Rama ka një vizion të krijuar në odën e tij të fantazive, ai s’do që Shqipëria rurale të zhvillohet, nuk punon që gjithë shqiptarët të zhvillohen njësoj, do të vërë mur bllokues për zhvillimin e fshatrave, duket se ai thellë thellë e urren fshatin, banorët e Shqipërisë rurale i ka konsideruar si injorantë që votojnë Saliun”, tha Patozi.
Sipas Patozit strategjia e tij elektorale, përbëhet vetëm nga axhenda e tij personale. “Nga ai nuk pres asgjë të mirë është kundër cdo lloj zhvillimi”.
OLLDASHI: INVESTIMET, JETA NE FSHAT NUK ESHTE ME MUNDIM
ORA: 18:01 -Gjatë fjalës së tij në konventën “për më shumë mbështetje për fermerët”, Ministri i Transporteve, Sokol Olldashi, renditi investimet e qeverisë në zonat rurale, duke theksuar se vështirësitë e fshatit kanë qenë sfidë gjatë 8 viteve të fundit. Sipas ministrit Olldashi, investimet kanë bërë që jeta në fshat të mos jetë më një mundim.
“Sot në çdo cep të Shqipërisë ku me parë ishte bela të jetojë, ku çdokush mendonte të ikte, mjafton që të shpëtonte prej fshatit, sot situata është ndryshe, në fshat ka rrugë të shtruara, ka biznese, ka jetë. 8 vjet rresht ne kemi bërë detyrat tona, kemi ndërtuar 10 mijë km rrugë, kemi përmirësuar sistemin e ujësjellësave duke siguruar furnizimin me ujë të rrjedhshëm brenda standardeve. Në sajë të investimeve sot situata ka ndryshuar për mirë dhe jeta në fshat nuk është më një mundim. Ne jemi ndryshimi, ne jemi ata që mbajnë premtimet, që ndryshojnë Shqipërinë, përpara”- u shpreh ministri Olldashi.
BODE: PERSHPEJTOJME NDRYSHIMIN E SHQIPERISE RURALE
ORA 17:15- Konventa u hap nga ministri i Financave, Ridvan Bode i cili u shpreh se zonat rurale janë shpirti i këtij vendi dhe zhvillimi i tyre do të thotë zhvilli për të gjithë Shqipërinë.
“Kur zhvillohet Shqipëria rurale nuk ka rëndësi ku jeton gjithsecili. Të gjithë shqiptarët meritojnë një punë më dinjitoze, fermerët janë pjesa e kombit që siguron mirëqenien me sakrifica të mëdha, ata falin dashuri dhe përkujdesje për produktin e tyre, kultivojnë jetë bimësh dhe gjënë e gjallë. Ne besojmë se zonat rurale janë shpirti i këtij vendi, kur fshatrat dhe komunat tona zhvillohet mbarë Shqipëria zhvillohet”, tha ai.
Nën qeverisjen demokratike sic tha Bode më tej fshati dhe fermerët janë zhvilluar. Fermat shtoi ai, kanë rritur prodhimet e tyre dhe janë bërë më konkurruese falë investimeve të qeverisë, sic nënvizoi ai.
“Ndryshimi fillon nga një gjë e thjeshtë sic është një rrugë, që për ta është lidhje me tregun. Rrugët janë arteriet ku rrjedh mundi i fermerët. Në 8 vite ne kemi ndërtuar 6500 km rrugë rurale. Këto rrugë nuk i lidhin këta banorë vetëm me qytetet, por edhe me shkollat e qendrat shëndetësore”, tha Bode.
Bode tha më tej se, “Ne nuk ramë në krizë, bujqësia ishte pjesa më vitale përgjatë krizës, në 4 vitet e fundit është rritur 2 herë më shpejt se mesatarja e ekonomisë. Fermat kanë rritur prodhimin me 30%, produktet janë bërë më konkurruese dhe më të kërkuara”, tha Bode.
Ministri Bode nënvizoi se PD është e gatshme të përshpejtojë ndryshimin për zonat rurale.
“Ne e dimë se të gjitha sa kemi bërë nuk mjaftojnë, ne jemi të bindur që qytetarët meritojnë më shumë, sot të vendosim për përshpejtimin e ndryshimit. PD ka një program, atë që do shpalosim sot në këtë konventë. Programi që kërkojnë qytetarët dhe që do na ofrojë më shumë me kombet e zhvilluara. Fermerët nuk do paguajnë asnjë qindarke tatim për imputet në bujqësi, për farërat, asnjë qindarkë për makineritë që modernizojnë bujqësinë, kemi lehtësuar taksimin”, tha Bode.
“Ne sot jemi këtu, për të mbështetur fermerët, të punojmë për zhvillimin e Shqipërisë rurale, kur ka ajo sukses të gjithë kemi sukses, kur ajo ndryshon e gjithë jeta e shqiptarëve ndryshon”, vijoi ai.
(er.nu/m.a/BalkanWeb)