Korea Veriut, satelit në hapësirë në prill

Korea e Veriut do të lëshojë një satelit të instaluar mbi një raketë, për të festuar 100-vjetorin e lindjes së ish-presidentit Kim Il-sung, lajmëroi të premten media lokale.

Data e lëshimit do të përcaktohet midis 12-16 prillit, informoi një zëdhënës i Komitetit Korean të Teknologjisë Hapësinore. Lajmërimi është pritur me shqetësim nga vendet perëndimore, që konstatojnë një zhvillim të ri të potencialeve raketore të vendit komunist.

Nëse do të realizohet, lëshimi në hapësirë i satelitit do të dhunojë një rezolutë të OKB-së të vitit 2009, të miratuar pas një testimi të mëparshëm të Penianit zyrtar me një lloj të fuqishëm raketash, në gjendje që të mbërrijnë deri në Shtetet e Bashkuara të Amerikës.

Në një reagim zyrtar, Korea e Jugut shprehu shqetësimin se “ky provokim i rëndë do të kërcënojë paqen dhe sigurinë në rajon”. Japonia gjithashtu shfaqi “shqetësimin e saj serioz”.