Kosova, sfidë për Evropën

Çështjet e pazgjidhura lidhur me Kosovën, përfshi dhe statusin e zonave me shumicë serbe në veri të Kosovës, mbeten sfidë për stabilitetin në Evropë.

Deklarata është bërë nga James R. Clapper, drejtor i Zbulimit Kombëtartë SHBA-ve, për një nga komitetet e Dhomës së Përfaqësuesve të Kongresit.

Clapper thekson se një numër çështjesh në Ballkan janë "burim tensioni që kërkojnë përfshirjen e perëndimit si në rrafshin diplomatik dhe në atë të sigurisë".

Dëshmia e Clapper përmend dhe përpjekjet e Beogradit për të rihapur çështjen e statusit si dhe dobësinë e Prishtinës në sundimin e ligjit dhe shkallën e demokracisë.

Të njëjtat burime nënvizojnë se "retorika serbe rreth shkëputjes nga Bosnja do vazhdojë të nxisë pasionet" në rajon. (REL)