Kosovë, situata në veri e qetë

Situata e sigurisë në veriun e Kosovës, gjatë natës që shkoi, ka qenë e qetë. Zyrtarët e Policisë së Kosovës kanë njoftuar gjithashtu se gjendja e qetë e sigurisë vijon të jetë e tillë edhe gjatë ditës së sotme.
Zëdhënësja e Policisë së Kosovës, Sabrie Kamber ka deklaruar se gjatë natës nuk është raportuar ndonjë incident.
 

“Ka qenë një natë e qetë. Ne jemi në kontakt të vazhdueshëm edhe me kolegët nga Drejtoria rajonale e Mitrovicës dhe deri tashtu raportohet që situata është e qetë”, ka thënë Kamberi.
 

Po ashtu, ajo ka deklaruar se zyrtarët policorë të policisë kufitare dhe doganierët vazhdojnë të qëndrojnë në të dyja pikat kufitare, në Jarinjë dhe Bërnjakë.