Kreshnik Spahiut i ikën anëtarësia në LSI dhe PS
Vijon largimi nga radhët e Aleancës Kuq e Zi. Një përfaqësi e AK-së në Fier i është bashkuar sot Lëvizjes Socialiste për Integrim.
Kryetari i AK-së në Fier, Pandeli Tole, në një prononcim për mediat sqaron arsyet e largimit duke bërë fajtor kreun e AK-së, Kreshnik Spahiu.
“U zhgënjyem nga lideri i AK. Bashkohemi me LSI për fitoren e së majtës”, theksoi Pandeli Tole, raporton BW.
Ndërkohë, duke i uruar për vendimin, kreu i LSI në Fier, Robert Bitri, tha: “Jini të mirëpritur, fitore në 23 qershor”. Nënkryetari i LSI-së, Petrit Vasili u shpreh i sigurt për fitoren e së majtës.
Pak ditë më parë një grup të larguarish nga Aleanca Kuq e Zi iu bashkuan sot Partisë Socialiste, me bindjen se vetëm përkrahja e opozitës do të sigurojë atë që kuqezinjtë kanë kërkuar gjithnjë, rotacionin politik./Indeksonline/