Kreu i Dhomës së Avokatisë, Arben Lena akuzohet për korrupsion me vlerë 5 mijë euro

Prokuroria e Posaçme përfundoi hetimet dhe çoi në Gjykatën e Posaçme dosjen për kreun e Dhomës së Avokatisë së Korçës, Arben Lena dhe bashkëpunëtorëve të tij, të cilët u arrestuan në fund të muajit janar të këtij viti.

Sipas SPAK avokati Arben Lena ka kryer veprën penale të korrupsionit.

Sipas hetimeve të SPAK, Arben Lena, dyshohet të jetë pjesë e një grupi  që do të ndikonin në gjykatën e apelit Korçë  kundrejt marrjes ryshfet të shumës prej 5 mijë euro.

Bëhet fjalë për një episod të ndodhur në dhjetor të vitit 2023 për të cilën grupi në fjalë dyshohet se do të ndërhynte në Gjykatën e Apelit Korçë për zbutjen e masës së sigurisë së  Bledar Kozicit i ndaluar për  trafikim të emigrantëve të paligjshëm.

Prokuroria e Posaçme rreth një vit më parë, ka kryer hetime për veprat penale “Ushtrim i ndikimit të paligjshëm ndaj personave që ushtrojnë funksione publike”, dhe “Moskallëzimi i Krimit”.

Gazetare: F. Tota

/rtsh.al/