Kreu i PDK-se komenton qendrimin e PS

Partia Socialiste dhe kryetari i saj Edi Rama gaboi në procesin për zgjedhjen e Presidentit të Republikës. Kështu ka deklaruar kreu i Partisë Demokristiane, Nard Ndoka. Sipas tij, lidershipi socialist i dha më shumë rëndësi zgjedhjes së Avokatit të Popullit se atij të kreut të shtetit.
Kryedemokristiani Ndoka thotë se Presidenti i Republikës Bujar Nishani u zgjodh në mënyrë kushtetuese. Për zotin Ndoka, socialistët në të vërtetë nuk ishin të interesuar për një President kosnensual, nisur edhe nga ndryshimet kushtetuese të vitit 2008, të cilat i propozoi vetë.
Reforma zgjedhore, është sfida më e afërt e politikës shqiptare. Nard Ndoka deklaron se në qoftë se Partia Socialiste nuk mbështet kërkesa për rishikimin konkret të legjislacionit zgjedhor, atëherë PDK do të largohet nga koalicioni opozitar.