Krimet e Zgjedhjeve ne Kosove

Një hulumtim i nxjerrë nga Instituti Kosovar për Kërkime dhe Zhvillime të Politikave akuzon drejtpërdrejt prokurorin e shtetit për amnisti të keqpërdoruesve të zgjedhjeve.

Raporti i quajtur “Krimet e Zgjedhjeve” tregon se ka pasur një dështim sistematik të tri hallkave të sistemit të drejtësisë në ndjekjen dhe gjykimin e rasteve, siç thuhet, të krimeve të zgjedhjeve në Kosovë, në vitin 2007, 2009, 2010 dhe rivotimet e mbajtura në vitin 2011.

Për më tepër, sipas raportit problemet me manipulime nuk vijnë si pasojë e zgjedhjeve, por si pasojë e mos ndëshkimit të manipuluesve.

“Në këto 712 vendvotime janë përfshirë afër 5000 komisionarë për të cilët tanimë ekzistojnë prova, të cilat janë mjaft solide për Prokurorin e Shtetit që të ngrejë akuza ndaj të gjithë këtyre personave, mirëpo me atë që Prokurori i Shtetit ka ngritur akuza ndaj afër 500 personave i bie se Prokurori i Shtetit është duke amnistuar keqpërdoruesit e zgjedhjeve“, u shpreh Adem Gashi i Institutit KIPRED.Ndërsa, Betim Musliu nga KIPRED, ka thënë se është shqetësues fakti se deri më tani është shqiptuar vetëm një numër i vogël dënimesh ndaj atyre që morën pjesë në manipulimin e votave.
“Prokurori i Shtetit duhet t’i zgjerojë hetimet dhe duhet të orientojë ato në drejtim hetimit të veprës penale krim i organizuar, keqpërdorimet e shumta të paraqitura në PZAP dhe manipulimi në formularët e 712 vendvotimeve të identifikuara prej QNR-së, tregon për një përfshirje të një strukture të organizuar në manipulime, andaj prokurori i Shtetit duhet të urdhërojë hetime të detajuara në rastet e zgjedhjeve ku kontributin kryesor duhet ta kishte Prokuroria Speciale e Kosovës. Prokurori i Shtetit duhet të fillojë hetimet për dështimet e llambave dhe ngjyrës së padukshme”, deklaroi Musliu.

Për të gjitha këto kërkohet nga Prokurori i Shtetit që t’i orientojë hetimet në drejtim të veprës penale krim i organizuar për shkak të manipulimeve në zgjedhje. Për më tepër, KIPRED kërkon nga gjykatat komunale dhe Gjykata Supreme të shqiptojë dënime më të ashpra për manipuluesit e zgjedhjeve, ndërsa Prokuroria e Shtetit, Gjykata Supreme dhe Këshilli Gjyqësor duhet të harmonizojnë veprimet në drejtim të zgjidhjes me prioritet.

if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Më shumë nga Kosova Cooper nuk bind Beogradin për bisedime teknike
Negociatori i Bashkimit Evropian, Robert Cooper, nuk ka arritur që ta bindë Borislav Stefanovicin që të takohet me Edita Tahirin në Bruksel, më 18 tetor, për të biseduar për energjetikën, telekomin dhe përfaqësimin ndërkombëtar të Kosovës.
Kufiri Kosovë-Mal i Zi, ankohen banorët
Që prej përfundimit të luftës së fundit, Mali i Zi ka hyrë për disa kilometra në territorin e Kosovës. I akuzuari për trazirat në Mitrovicë
I shumëpërfoluri Zvonko Vesellinoviç, biznesmeni nga Mitrovica, është deklaruar për media se është i gatshëm të dalë përpara drejtësisë serbe, në rast se ka fakte që ai ka organizuarsulmet ndaj NATO-s. Njohjet e Kosovës në udhëkryq
Paralajmërimet e shumta për njohje të reja të Republikës së Kosovës, të bëra kryesisht nga zyra e zëvendëskryeministrit Behgjet Pacolli, duket se nuk po gjejnë konfirmim.
Thaci: Dialog, vetëm si të pavarur
Kryeministri i Kosovës, Hashim Thaci ka shprehur sërish gatishmërinë e tij për të biseduar me Serbinë, por vetëm si dy shtete të pavarura.

Lajmet kryesore

Aksident në Thumanë, 2 persona humbin jetën
Autonjeti është përplasur me një ndërtesë
Korçë, sherr mes të rinjsh, tre të plagosur
Berisha sulmon Ramën në Korcë

Debate per vezhgimin e zgjedhjeve
Cooper nuk bind Beogradin për bisedime teknike