Kriza dhe receta e zgjedhur Nga Edi Rama, Kryetar i Partise Socialiste

Jemi perdite e me te shqetesuar per humbjen e dukshme te logjikes ne qeverisjen e vendit.
Vendi zhytet perdite e me thelle ne nje krize qeverisese. Ekonomia e vendit vuan perdite e me ndjeshem pasojat e kesaj krize. Receta e zgjedhur per krizen e demokracise, te drejtesise e te ekonomise eshte, ne te trija aspektet, me e keqja per vendin.
Nuk zgjidhet kriza e demokracise duke mohuar se ajo ekziston. Nuk zgjidhet kriza e drejtesise duke pershkallezuar luften politike kunder pavaresise e profesionalizmit te sistemit gjyqesor. Nuk zgjidhet kriza e ekonomise duke bredhur me gershere per te inauguruar per te pesten here pune publike qe rendom s'jane as ne gjysme te rruges apo shkolla qe kane deri edhe vite qe jane mbyllur si kantiere. Nuk zgjidhet kriza e ekonomise as me shifra e te dhena te genjeshterta per te treguar me fjalime nje rritje e mireqenie ekonomike qe ekziston vetem ne oborrin e pushtetit, po nuk ka lidhje me realitetin e shtepive te shqiptareve. Kriza e ekonomise nuk zgjidhet as duke kerdisur ne gjoba te paligjshme, deri edhe mafioze, sipermarrjen. Nuk zgjidhet kriza e ekonomise as duke u mbytur ne borxhe me interesa te renda per te gjithe, ne emer te interesave te pushtetit te disave, sepse ne keto kushte edhe borxhet behen shume te veshtira per t'u marre me tutje.
Nuk zgjidhet kriza e ekonomise as me shpifje e sharje per opoziten qe nuk e shihka dot mrekulline ekonomike, sepse te pakten klima per biznesin keshtu nuk permiresohet po vetem perkeqesohet. Kriza e ekonomise nuk zgjidhet as edhe me krahasimet e turpshme e tallese me boten qe sipas kryeministrit tone qenka e gjitha ne hall, nderkohe qe i vetmi vend ku halli i krizes s'paska rene qenka Shqiperia e Saliut, Ridvanit dhe Fullanit.
Te tretit i bej apel te mos behet mashe e dy te pareve per te nxjerre nga zjarri i krizes geshtenjat e djegura te politikes se verber ekonomike te kryeministrit, qe as di, as pyet, as kupton kur e keshillojne te heqe dore nga kjo rruge shkaterruese. Te dytit i bej apel te mos behet njesh me te parin si ne kohen e piramidave, duke ngritur nje piramide te nje lloji tjeter, por me pasoja te pallogaritshme per te nesermen e ekonomise se vendit. Kurse te parit te tyre, zotit kryeminister, i bej apel te ndalet ne turravrapin e tij drejt gremines, dhe te kuptoje me ne fund se nuk ka asnje gjase ta kaperceje krizen e gjithanshme me keto receta derrmuese per vendin, por edhe turperuese per ate vete dhe qeverine e tij. Une e ftoj perseri Sali Berishen te degjoje zerin e arsyes dhe te heqe dore sa s'eshte vone nga arsyeja e forces. Ta pranoje krizen dhe te ulet per ta zgjidhur ate. Duke filluar nga transparenca, pa te cilen nuk ka asnje rrugedalje te mundshme e asnje rruge te qendrueshme ne trajtimin e krizes se demokracise, te drejtesise e te ekonomise. Ne jemi gati te merremi vesh per te miren e vendit, per transparencen qe vendit i duhet per te pare qarte rrugen qe ka perpara, per liberalizimin e vizave qe ne asnje menyre s'duhet te pengohet nga kutite e mbyllura, per drejtesine e ekonomine qe kerkojne nje qasje te re te cilen ne jemi gati te kontribuojme per ta realizuar. Per demokracine qe s'mund te jete sistemi ku disa jane mbi ligjin e per te tjeret barazia para ligjit eshte e pamundur.