Kriza e rëndë energjitike, Rama: Gati të ndihmojmë Kosovën!

Kryeministri shqiptar Edi Rama ka deklaruar gatishmërinë për të ndihmuar Kosovën në përballimin e krizës energjetike në mënyrë që qytetarëve të saj të mos u mungojë energjia elektrike gjatë dy ditëve të festave të fundvitit.

“Shqipëria s’e ka aspak të lehtë mbrojtjen e vijueshme të familjeve e sipërmarrjeve të vogla nga dallga e tërbuar e krizës energjitike që po kërcënon çdo vend, por në sekëlldira të mëdha apo në gëzime popullore siç është Viti i Ri, ne s’mund të mos e ndajmë me Kosovën aq sa kemi!” skruan zoti Rama. “Duke e ndjekur me shqetësim krizën e rëndë energjitike që ka prekur Kosovën kërkova sot nga ministria e Energjisë të vlerësojë çdo mundësi ndihme për qeverinë e Kosovës, që familjeve në Kosovë të mos u mungojë energjia elektrike në dy ditët e festës popullore të ndarjes së viteve!” shkruan kryeministri shqiptar Rama.