Kriza financiare boterore, godet skemat e pensioneve

Kriza aktuale financiare, ka pasur nje ndikim te madh ne asetet e pensioneve ne bote. Sipas vleresimit te OECD, ato kane nje renie me 5.4 trilione $ (mbi 20%) ne fund te 2008. Kjo shton presionin mbi nivelet e financimit per planet e pensioneve, me perfitime te percaktuara dhe ka perkeqesuar situaten per anetaret ne prag te pensionit, ne planet e pensioneve me kontribute te percaktuara, duke demtuar besimin ne shume sisteme me kontribute te percaktuara. Perfaqesues te OECD dhe organizatave te tjera u takuan per te vleresuar reagimin ndaj politikave te krizes financiare ekonomike, ne driten e direktivave nderkombetare dhe praktikave me te mira. Si rrjedhoje, jane nxjerre disa mesime mbi rolin e rendesishem te pensioneve private, ne plotesimin e sistemit publik dhe se si sistemet e pensioneve duhet te ndertohen, ne menyre qe te ofrojne nje shkalle mbrojtjeje, te permiresojne qendrueshmerine e financimit, te rrisin menaxhimin dhe mbikeqyrjen e te rrisin transparencen e komunikimin. Per shkak te krizes disa qeveri jane nen presionin e terheqjes nga skemat e pensioneve private. Por sistemet publike (PAYG), perballen me probleme qendrueshmerie per shkak te plakjes se popullsise, si dhe jane te prekura nga kriza si pasoje e rritjes se papunesise. Pensionet private akoma kane nje rol madhor per te luajtur e mbajtur burime te ekuilibruara te te ardhurave te pensionit. Per shkak te situates te veshtire ne tregjet financiare boterore, monitorimi i fondeve te pensioneve eshte permiresuar nga shumica e autoriteteve. Gjithashtu eshte rritur koordinimi me industrine, ministrite e ndryshme dhe rregullatoret e tjere.

Tregu

Ne Shqiperi tregu privat i pensioneve nuk eshte shume i zhvilluar. Ne treg jane vetem tre kompani private. Nderkohe qe i gjithe tregu i pensioneve vullnetare, ne fund te tremujorit te pare te vitit ka arritur ne 57 milione leke. Institucionet nderkombetare kane rekomanduar reforme ne skemen e pensioneve.