Kryeministri Berisha takon perfaqesues te universiteteve italiane

Kryeministri Berisha priti një grup përfaqësuesish të universiteteve të ndryshme italiane, që ndodhen në Tiranë, në kuadër të javës italiane. Kryeministri i njohu me zhvillimin e arsimit në vend, i cili përfshin tashmë 71 % të maturantëve që mbarojnë shkollat e mesme në vend, shifër kjo e trefishuar që nga 2005-a. Tashmë- theksoi kryeministri- qëllimi kryesor është cilësia në arsim. Ai vlerësoi bashkëpunimin me Italinë në këtë fushë, duke qenë se atje ndodhen  një numër i konsiderueshëm studentësh shqiptarë. Përfaqësuesit e universiteteve italiane shprehën vlerësimin për përmirësimin e dukshëm në sistemin arsimor të vendit dhe ofruan mbështetjen, që nëpërmjet projekteve të përbashkëta të forcohet bashkëpunimi ndëruniversitar, si dhe të jepen bursa për studentët shqiptarë.