Kryeministri Rama nxjerr videon e projektit të hekurudhës Tiranë-Rinas-Durrës

Kryeministri Edi Rama ka publikuar këtë të hënë një video nga plani për ndërtimin e hekurudhës së re Tiranë-Rinas-Durrës. Nëpërmjet një postimi në “Facebook”, kreu i qeverisë u shpreh se më në fund do të nisë puna për ndërtimin e hekurudhës, pas finalizimit të një pune disavjeçare me Bankën Europiane për Rindërtim e Zhvillim. “MIRËMËNGJES dhe me hekurudhën e re Tiranë-Rinas-Durrës, që më në fund do të nisë nga ndërtimi pas finalizimit të një pune disavjeçare me Bankën Europiane për Rindërtim e Zhvillim, ju uroj një javë të mbarë.”shkruan zoti Rama.