Kryeministri slloven dhe delegacioni i tij vizitojne bizneset e shtrira ne Shqiperi
Tirane 8 Dhjetor 2010 NOA - Delegacioni me rreth 100 perfaqesues te bizneseve Sllovene vizitoi sot rrjetin e Supermarketeve Mercator tek qendra tregtare City Park per te nisur viziten e tyre ne Shqiperi me ne krye Kryeministrin e Republikes se Sllovenise Borut Pahor.
Kjo vizite synon afrimin e investitoreve Sllovene ne Shqiperi. Pikerisht Mercator eshte rezultat i nje investimi prej me shume se 7 milione euro qe shteti dhe biznesi Slloven kane realizuar ne vendin tone gjate vitit te fundit duke i sjelle konsumatorit shqiptar larmine dhe cilesine e produkteve te saj.
Pervec produkteve Sllovene Mercator aplikon politika te favorshme edhe per prodhuesit vendas duke i inkurajuar te rrisin cilesine e produkteve te tyre drejt standardeve Europiane. Mercator synon qe te pakten 50 e produkteve te tregtuara ne supermarketet e rrjetit do kene prejardhjen nga prodhuesit vendas duke bere te mundur qe disa prej ketyre prodhimeve lokale te eksportohen edhe ne rrjetet Mercator te pranishme ne tregjet e tjera te Europes Juglindore.
Mercator eshte nje nga kompanite me te medha ne Europen Juglindore si dhe kompania me e madhe Sllovene me mbi 1500 dyqane dhe 22000 punonjes ne shtate vende. Gjithashtu eshte lider ne fushen e Supermarketeve ne Slloveni dhe Mal te Zi dhe mban vendin e dyte ne tregjet e Serbise dhe Kroacise. Gjate vitit 2009 Mercator arriti te ardhura prej 2.6 miliarde Euro. Pervec supermarketit ne City Park ne Shqiperi Mercator operon edhe dy dyqane te tjera perkatesisht ne rrugen Komuna e Parisit ne Tirane dhe tek qendra tregtare FlagShip Center ne Durres.
Pas vizites ne Mercator delegacioni Slloven vijon me takimet e parashikuara nga Dhoma e Tregtise e Sllovenise dhe Shoqates se Biznesit Shqiperi Slloveni me synimin e firmosjes se protokolleve dhe marreveshjeve per nxitjen e bashkepunimeve mes dy shteteve ne fushen e ekonomise dhe tregtise.
e.r/NOA
Ne fotot Nga vizita e delegacionit slloven