Kryeministrja kroate: Tadiç është i mirëpritur në Vukovar

Kjo deklaratë e kryeministres kroate, vjen menjëherë pas propozimeve të paraqitura dje nga Presidenti serb, Boric Tadiç gjatë pritjes që i bëri homologut kroat Ivo Josipovic.

"Askush nuk duhet të më ftojë për të vizituar vendet ku është shkaktuar vuajtje. Unë do të vij vetëm, por sigurisht do të shkoj në Vukovar me mikun tim, Ivo Josipoviç. Ne do të zgjedhim momentin për këtë'', deklaroi Presidenti Tadiç.

Politika serbo-kroate po shfaq shenja afrimi, por plagët e kohës së luftës akoma shfaqin ndikim në marrëdhëniet dy-palëshe, prandaj një vizitë e Presidentit serb në Vukovar do të kishte një rëndësi të veçantë simbolike.