Kryeparlamentarja: Socialistet, nje parti pikiate
Nje deputet opozitar pergezoi dje Kryetaren e Kuvendit, Jozefina Topalli, per aktivitetet e saj ne diplomacine parlamentare, duke marre dhe duartrokitjet e mazhorances. Kryetari i Partise Aleanca Demokratike, Neritan Ceka, vleresoi dje Kryetaren Topalli per aftesi diplomatike, duke iu referuar vizites se saj te fundit ne Itali. “Dua t’ju pershendes dhe t’ju uroj per viziten e shkelqyer qe bete ne Itali. T’ju uroj aktivitet te gjate ne kete drejtim per diplomacine parlamentare”, tha Ceka, duke cuditur kampin e majte per superlativat e perdorura ndaj Kryetares, e cila per te treten here eshte vene ne shenjestren e opozites per te kerkuar mocion mosbesimi me pasoje shkarkimin e saj. Ceka vleresoi se Topalli ka treguar jo vetem iniciative, por dhe aftesi diplomatike, vecanerisht per viziten e fundit. “Nuk ishte vetem reklame, por ishte realitet. Do te shpresoja qe kete qendrim elegant ta keni edhe kundrejt zoterinjve shqiptare dhe jo vetem zoterinjve italiane, qe “po e shohin me nje fare zilie” fjalimin tim”, vijoi ai, duke mbyllur me nje pershendetje per viziten e fundit te Kryetares se Kuvendit, qe sipas Cekes nderoi te gjithe parlamentaret. Fjalimi i kreut te PAD-se u duartrokit nga deputetet demokrate. Madje Ceka duke u ulur per ne vendin e tij, ju dha doren disa deputeteve te djathte ne shenje mirenjohjeje per vleresimin e fjalimit te tij. Nderhyrja e kreut aleancist u be pikerisht ne momentin kur Kryetarja Topalli sapo perfundoi nje debat jo te vogel me deputeten socialiste, Arta Dade. Kjo e fundit kritikoi Kryetaren per incidentin diplomatik te ndodhur disa dite me pare, kur trupi diplomatik u largua ne momentin kur ne Kuvend raportonte Prokurorja e Pergjithshme, Ina Rama. “Incidenti diplomatik, ku diplomateve iu kerkua te zene vend pas shpines se kameramaneve, jane ne vazhden e mungeses totale te civilizimit, edukates apo miresjelljes qe ka ky parlament”, akuzoi Dade. Sipas saj, tri dite jane te mjaftueshme per te nxjerre konkluzionet e duhura dhe te sakta per defektet serioze, konceptet arkaike, arrogancen ne fushen e marredhenieve nderkombetare apo me partneret qe na kane asistuar ne te gjitha proceset. Por per Kryetaren e Kuvendit, PS eshte kthyer ne nje parti shume te dobet tashme. “PS eshte nje parti ne pikiate. Askush nga zyrtaret e huaj qe kane ardhur ne Tirane nuk kane kerkuar te takoje perfaqesuesit e saj. Nga shtatori, tetori e me radhe ne vendin tone do te vijne kryetari i senatit te Cekise, Kanadase, zyrtare nga Spanja e vende te tjera. Kjo eshte mbeshtetja qe nderkombetaret i japin reformave”, reagoi Topalli. Duke vijuar debatin, Dade e quajti Topallin si drejtuesen me te keqe qe Kuvendi ka pasur ndonjehere. “Nuk di nese duhet te shqetesohemi per demtimin dhe deformimin e imazhit, kur dihet se ky imazh eshte mbuluar me vellon e Gerdecit dhe korrupsionit kriminal shteteror, ku kjo mazhorance eshte e dominuar nga perpjekjet per te mbuluar apo deformuar imazhin nga vendet qe na monitorojne”, replikoi Dade. Transparenca ishte gjithashtu tema e Asamblese parlamentare te OSBE, e cila u perzu nga vendet e caktuara. Nuk e di, se ku do te shkoj kjo diplomaci. Sigurisht, drejt Evropes jo. Rozeta Rapushi