Ku eshte Osama Bin Laden
Me pak se dy muaj pas sulmeve terroriste kunder Qendres Boterore te Tregtise dhe Pentagonit, me 11 shtator te vitit 2001, agjentet e CIA-s zbuluan gjurmet e udheheqesit te Al Qaidas, Osama Bin Ladenit, ne rajonin e Tora Boras ne Afganistan, ne brezin kufitar me Pakistanin. Bin Ladeni per pak ju shmang gjuetise se ushtareve amerikane dhe afgane dhe qe nga ajo kohe, kane theksuar analistet per inteligjence, ai kurre nuk eshte rrezikuar seriozisht qe te arrestohet. Tete vjet me vone, administrata e SHBA-se ende eshte duke pritur qe te paguaj shperblimin prej 25 milione dollare atyre, te cilet do te ofronin informata, te cilat do te rezultonin me arrestimin e Bin Ladenit. Dhe perderisa gjuetia po vazhdon, ekspertet ne fushen e terrorizmit dhe politika boterore pajtohen per dy gjera: arrestimi i Bin Ladenit do te ishte nje e arritur e madhe, por arrestimi i tij nuk do te avanconte luften kunder terrorizmit. "Sikur edhe shumica e amerikaneve, une do te deshiroja te shihja kete njeri para drejtesise. Por sa i perket efektit ndaj kercenimit global terrorist, duhet te thuhet se Bin Ladeni eshte vetem nje pjese e vogel e ketij kercenimi", deklaroi James Forest, drejtor per studimet e terrorizmit ne Qendren per luftimin e terrorizmit ne Akademine ushtarake West Point. Forest theksoi se Bin Ladeni 52 vjet me te drejte konsiderohet si themelues dhe udheheqes shpirteror i rrjetit te Al Qaidas, proces ky te cilin e filloi gjate luftes kunder sovjetikeve ne Afganistan, para me shume se dy dekadave. Si anetar i nje familje te pasur saudite, ai ndihmoi ne organizimin e grupeve radikale myslimane, te cilat shkuan ne Afganistan, per te luftuar sovjetiket dhe ai mbeshteti edhe financiarisht kete fushate. Por njeriu, i cili mendohet se eshte zevendesi i Bin Ladenit, Ayman Al Zavahri, mendohet se kryeson me teper operacionet e perditshme te Al Qaidas, deklaroi Lewis Brownstein, profesor i shkencave politike ne Universitetin New Paltz ne New York. "Organizata ka ndryshuar gjate dekades se kaluar dhe lojtari kryesor eshte Al Zavahri", theksoi Brownstein. Tani, Al Qaida ne fakt eshte nje rrjet i brishte i terroristeve. "A do te demtonte arrestimi i Bin Ladenit rrjetin global te terrorizmit? Jo, nuk besoj", tha Brownstein. Edhe perkunder faktit se pjesetaret e Al Qaidas konsiderohen si te huaj, nga talebanet vendas ne Afganistan dhe Pakistan, ekziston nje aleance mes ketyre dy levizjeve dhe ato tani po bashkepunojne me ngushte mes vete, eshte i mendimit Brownstein. Duke pasur parasysh faktin se Bin Ladeni e njeh mire terrenin ne brezin kufitar mes Afganistanit dhe Pakistanit, ku besohet se po strehohet dhe perkrahjen qe gezon ai aty, askush ne komunitetin amerikan te inteligjences nuk eshte optimist se Bin Ladeni do te arrestohet, thote profesori i shkencave politike, Jonathan Becker. "Kur SHBA-ja nuk qellon shenjestrat e veta ne kete rajon, kjo armiqeson tej mase popullaten lokale", theksoi Becker. Artin Arslanian, profesor i historise dhe i marredhenieve nderkombetare ne Marist College ne New York, theksoi se perderisa pjesa me e madhe e eksperteve pajtohen se Bin Ladeni nuk kontrollon me drejtpersedrejti Al Qaidan, nga vrasja apo arrestimi i tij SHBA-ja do te perfitonte politikisht. "Eshte kjo nje ceshtje e krenarise kombetare, ngase ne jemi zotuar se do ta kapim", theksoi Arslanian.