Kujt dhe pse i duhen negociatat e reja Nga Albin Kurti

Serbia po vazhdon ne rrugen e integrimit evropian pa e arrestuar dhe dorezuar paraprakisht Ratko Mladiqin. Hapja dhe mbyllja e negociatave per MSA dikur si dhe ratifikimi i MSA-se tash nuk varen me nga ceshtja Mladiq. Arrestimi i Radovan Karaxhiqit dhe dergimi i tij ne Hage eshte shfrytezuar nga Serbia edhe per te mos e dorezuar Mladiqin. Kesisoj Serbia duket bashkepunuese me Gjyqin e Hages mosarrestimi i Mladiqit paraqitet si pamundesi e autoriteteve serbe e jo mungese e vullnetit nga ana e tyre. Nuk ka dyshim qe shteti serb e di se ku ndodhet Ratko Mladiq. Ashtu sic u zbulua dhe arrestua Radovan Karaxhiq njesoj do te mund te vepronin edhe me Mladiqin. Serbia po e ruan zbulimin e tij per ndonje moment kur perfitimi politik e diplomatik do te ishte maksimal. E nese vonohet momenti i tille dihet qe perderisa Serbia nuk do te jete e detyruar ta kap Mladiqin ajo nuk do ta ze ate.
BE-se po i ngutet me Serbine. Se pari BE-ja deshiron stabilitet ne Ballkan dhe konsideron qe nese Serbine e mban ne rrugen e integrimit evropian do te mund ta kontrolloje shume me teper ate. Dhe se dyti me anetaresimin e Rumanise dhe Bullgarise BE-ja e ka definuar zonen evropiane dhe nuk deshiron qe Serbia te jete element i Rusise ne kopshtin e saj. BE-ja i thyen edhe rregullat e veta nese i duket qe keshtu arrin ta mbaje Serbine ne rrugen e integrimit. BE-ja nuk perton ti jape Serbise qe ta marre ate. BE-ja e trajton Serbine si rast sui generis.
Per kete arsye BE-se i nevojiten negociatat ndermjet Kosoves dhe Serbise. Se pari qe Kosova dhe Serbia te mos duken si dy vende armike ani se Serbia nuk ka kerkuar falje per krimet e luftes nuk i arreston dhe as nuk i dorezon kriminelet e luftes nuk i paguan demet e luftes nuk i kthen trupat e te pagjeturve dhe nuk jep informata per ta nuk e njeh pavaresine e Kosoves dhe me strukturat e saj ne Kosove ia demton Kosoves integritetin territorial dhe funksionimin normal. Se dyti qeveria e Serbise nuk mund ti plotesoje pyetesoret e pafund te nevojshem per udhetimin e saj drejt Brukselit pa u marre vesh per shumecka me Kosoven. Negociatat e reja ndermjet Kosoves dhe Serbise do te duhej te rezultojne me ca dakordime qe i mundesojne pergjigjet e Beogradit ne pyetjet e Brukselit.
Ne anen tjeter edhe asaj pjese te politikes dhe shoqerise serbe qe nuk i intereson integrimi evropian i nevojiten negociatat me Kosoven. Se pari per tu faktorizuar Serbia edhe njehere per Kosoven. Se dyti per ta rritur autonomine territoriale te serbeve ne Kosove me crast veriu i Kosoves do ti perngjante republikes serbe te Bosnjes kurse enklavat do ti perngjanin veriut duke u bere eksklava.
Nese edhe BE-ja edhe Serbia kane interes per keto negociata atehere cili eshte interesi i Kosoves Cila eshte leverdia per Kosoven per te cilen do te duhej qe Qeveria e Kosoves te shkonte ne keto negociata Kerkesa e Ministrise se Puneve te Jashtme te Kosoves per nje rezolute te re ne KS te OKB-se dhe mbledhja e Asamblese se Pergjithshme te OKB-se me 14 shtator sipas kerkeses se Serbise per rezolute te re tregojne tri gjera themelore. E para qe Qeveria e Kosoves dhe ajo e Serbise pajtohen formalisht per nevojen e nje rezolute te OKB-se per Kosoven ndonese mund te mos pajtohen per permbajtjen e saj. E dyta qe KS i OKB-se po riaktualizohet si adrese nderkombetare per Kosoven perkunder faktit qe njihet si instanca qe gjithmone duhej evituar meqe e bllokonte Kosoven. Dhe se treti qe po pergatitet terreni per tia premtuar Kosoves ulesen ne OKB mbase pa u njohur nga Serbia edhe per nje kohe. Sido qe te jete nje pazar i tille patjeter qe eshte i padrejte meqe eshte pazar por gjithsesi eshte edhe i demshem sepse Kosoves eventualisht vetem i rriten te drejtat per perfaqesim nderkombetar kurse Serbise i rritet kontrolli mbi territorin e Kosoves dhe vete ky territor. Kosoves po i gatitet skenari i Bosnjes - jo me i luftes ne Bosnje por i paqes se Bosnjes qe eshte jo me pak famekeqe.